VOV4.K’ho – Mho òr, 11/11, lơh broă sùm mpồl đơng lam Đảng càr Lâm Đồng bơyai lơh pơrjum cribơyai tơn đah kuang đơng lam bồ càr Lâm Đồng mờ ala mat làng bol kòn cau tàm càr. Do là dơ\ sơn rờp kuang đơng lam bồ càr cribơyai tơn mờ ala mat ală kòn cau kờ` yal tơnggit tus làng bol in bè bơta lơh sa mpồl bơtiàn, sền gàr dà lơgar - sền gàr ngap lơngai tàm gùt càr. Mơkung iat tơn ală jơnau đơs, jơnau dan bơh làng bol kòn cau dê tàm jơh ală [òn, ntum, kơnhoàl tàm gùt càr. Tàm pơrjum, ồng Nguyễn Xuân Tiến, kuang  atbồ đơng lam Đảng càr Lâm Đồng sồr, kờ` mut lơh niam nùs nhơm kơrnuat pơrjum mpồl Đảng càr dơ\ 10 bè bơcri priă bơtàu tơnguh tiah làng bol kòn cau, gơ jat bal mờ broă lơh bơt bơtàu [òn lơgar pa, tơmù r[ah mhar mờ kơljap, gàr kơ\ tiah ơm kis mờ broă lơh sa, tơngai tus ală kơnă Đảng pal sơlơ tơnguh rlau tai broă đơng lam bồ, đơng lam mut lơh niam broă lơh kòn cau bơh Đảng, dà lơgar, kơrnuat sồr sồ 49 bơh mpồl đơng lam Đảng dà lơgar dê bè “ sơlơ tơnguh rlau tai mờ tam gơl pa broă lam sồr làng bol bơh Đảng dê tàm tiah làng bol kòn cau.

                    Cau cih mờ yal tơnggit K’ Duẩn