VOV4.K’ho - Drim òr (26/08), tàm Hà Nội,  Gah cri bơyai broa\ lơh bal mờ lơgar ndai lơgar he đơng lam, lơh bal mờ  Gah mpồl tam klac châu Âu (EU) tàm Việt Nam bơyai lơh “Dơ\ cri bơyai bơt bơtàu mpồl bơtìan chài rgơi-ASEAN: Wèt tus bơhìan chài rgơi bal-Bơta mờng bơh mpồl tam klac châu Âu”. Tàm dơ\ cri bơyai, ồng Lê Hoài Trung  kuang jat jơng atbồ gah cri bơyai broa\ lơh bal mờ lơgar ndai lơgar he ai git, ala\ lơgar ASEAN gam lơh ngan bal  nàng geh cơnđoà tus crơng gơs mpồl ASEAN tàm ngai 31/12/2015. Do geh la dùl mpồl bơtìan geh lơh bal gùng dra\ bal, geh tam klac bè lơh sa mờ tam pà kơnòl mpồl bơtìan, ai bơh 3 broa\ tờm dờng  kơljap ngan la Mpồl bơtìan gùng dra\ bal-Sền gàr ngap lơngai, Mpồl bơtìan lơh sa mờ mpồl bơtìan chài rgơi-mpồl bơtìan. Tàm hơ\ mpồl bơtìan chài rgơi-mpồl bơtìan ASEAN geh  bal ua\ gah bè lơh sơnơm,  bơto bơtê  bơsram, tiah kis,  bơta kuơ mpồl bơtìan, at bồ bơta aniai bơh trồ tiah, chài rgơi…Dơ\ cri bơyai do nàng tơngguh yal tơnggit, mblàng pơlam dờng ơnàng bè mpồl bơtìan ASEAN đơs bal mờ mpồl bơtìan chài rgơi mpồl bơtìan ASEAN đơs is. Mờ bơta tus bal bơh ala mat lơh broa\ bal mờ lơgar cau mờ cau jak mpồl tam klac châu Âu, dơ\ cri bơyai geh bơta tam pà broa\ mờng bơh EU tàm broa\ bơt bơtàu mờ atbồ chài rgơi mpồl bơtìan.

                                                Cau mblàng K’ Brọp.