VOV4.K’ho - Poan càr tiah tàm gùl lơgar là Hà Tĩnh, Quảng Bình, Quảng Trị mờ Thừa Thiên Huế neh lơh gơs broă tơm priă bơtơl; hoàc huơr ai làng bol in tài gơbàn tus mờ tiah kis dà lềng nam lài.

Kờp jơh khà priă neh tơm bơtơl là rơlao 5 rơbô 900 tơmàn priă, ndrờm mờ 94% kờp jơh khà priă tơm bơtơl hoàc huơr. Mìng is broă bơsong phan tàm dà neh prăp, tài khà mùl màl tơnguh rơlao 2 dơ\ jăt mờ jơnau yal nam lài bơh Bộ Y tế dê, den tàng Bộ Công thương gam ai mpồl kuang bàng bơh uă gah lơh broă tus kờ` sền gròi mùl màl.

Bè rơndăp broă dong kờl priă cồng lơh pa 400 nơm ơhò lơh ka ai làng bol lơh sa 4 càr do in, Bộ Nông nghiệp mờ Phát triển Nông thôn yal ờ lơh jăt, mờ geh ngui 800 tơmàn priă kờ` lơh ală broă lơh ka kờ` dong kờl làng bol lơh ka jăt gah dà lềng geh dờp bal.

Cau cih mờ yal tơng^t Ndong Brawl