VOV4.K’ho - Drim òr (05/6), Bộ Công thương pơgồp bal mờ Mpồl tam klăc mpồl lơh sa kă bro dềt mờ di mơ lơgar Việt Nam bơyai lơh pơrjum pờ tơl^k tơn tàm internet “Dong kờl mpồl lơh sa kă bro di mơ mờ dềt lơgar Việt Nam ngui bơta niam mờ lơh jăt geh cồng nha EVFTA”.

Ala măt Bộ Công thương kơlôi, bơta kuơ màng bơh pơrjum do là kờ` ai geh jơnau g^t wă mùl màl tơl ai mpồl bơtiàn lơh sa kă bro dềt mờ di mơ lơgar Việt Nam in bè ală bơta niam mờ bơta tơlòng, ală jơnau kờ` gơwèt mờ mpồl lơh sa kă bro tàm lơgar pal tam gơl pa is să tòm, tơnguh uă bơta pràn tàm pơrlòng kờ` ngui ală bơta geh kuơ mờ hiệp định geh cèng wơl.

Pơrjum do là dùl tàm ală broă lơh sơnrờp ngan tàm ală broă lơh bơh Chính phủ mờ ală Bộ, gah lơh broă dà lơgar, ală càr, [òn dờng, kờ` ai jơnau yal mờ ală broă dong kờl mùl màl ngan tus mờ mpồl lơh sa kă bro, kờ` gàr niam broă lơh jăt EVFTA geh cồng nha ngan.

Ală anih lơh broă geh gơnoar pơn jăt tai dờp jơnau đơs bơh mpồl lơh sa kă bro kờ` lơh gơs broă lơh bơh Chính phủ mờ ală Bộ, gah lơh broă dà lơgar, ală càr, [òn dờng bè broă lơh jăt EVFTA.

Cau mblàng Ndong Brawl