VOV4.K’ho – Kờp bơh tu\ lam lơh tus tu\ do, dơ\ lam sồr bơsram mờ lơh jat broă lơh niam mờ ơnà jak Bác Hồ dê neh gơ gơs là srơh tàm pơrlòng tàm ală kơnă, ală gah lơh broă, ală rơnàng làng bol. Tơl nă cau tàm tơl broă lơh krơi is mơya ndrờm geh bal ală broă bơsram mờ lơh jat Bác Hồ geh kuơ ngan mờ geh cồng nha:

Gơ wèt mờ uă cau, ngan là rơnàng cau lơh phan să tờm lơh broă tơn tàm ală hìu măy, broă bơsram mờ lơh jat broă lơh niam mờ ơnà jak Bác Hồ dê neh gơ gơs là bơta kơlôi sơnơng sùm, bơta mờng quèng tàm rài kis pah ngai. Gơ wèt mờ bi Trần Văn Quyền, cau lơh phan tàm Mpồl lơh sa kă bro lơh gùng brong, tơrlung 1, gơ wèt Mpồl lơh sa bal Lơh sa mờ măy mok chah mờ phan kuơ tàm ù Việt nam rlau 15 nam lơh broă tàm gah lơh chah, să tờm lơh broă tơn tàm uă gùng brong, tơrlung chah, dơ\ tus bal tờ gùng brong bal mờ mpồl dong kờl nàng dong klàs 12 nă cau lơh phan gơtìp gơkòl tàm dơ\ tơrlah gùng brong hìu măy pờ tơlik ồs đèng Dà Dơng, càr Lâm Đồng tàm lồi nhai 12 nam 2014 geh gơ gơs là bơta kir sơnrai ờ gơtùi hi\u ngan. Tu\ mu\t tàm dơlam sền go\ bơr gùng brong dềt, hat hal ngan, ù mờ lu\ digơlan gơtìp tơrlah tơrlơm khat tu\ lơi, bi Quyền bal mờ bàr pe nă oh mi geh nùs nhơm dong kờl is bơh càr Quảng Ninh lòt tus càr Lâm Đồng, ờ thàn kơlôi tus bơta lơngăp lơngai ờdo ờdă bơh să tờm dê mờ mìng kơlôi tus màng kis bơh 12 nă cau gơtìp aniai gam ơm kơ\p mpồl dong kờl tus dong kờl. Bi Trần Văn Quyền, kah wơl: “Tu\ hơ\, a` neh mu\t tàm dơlam, a` kung ờ ngòt sơl bơta lơi ờ, tài bơh mìng kơlôi dùl bơta lơm là dong kờl cau. Ală pơnai lu\ dờng mờ tơrlung den dềt ngan, mìng gơtùi dùl nă să a` lòt lơm, a` jòi gùng tờ mhar ngan rlau jơh nàng dong kờl cau. Pơgăp 6, 7 jiơ drim den dong kờl geh cau jun lik bơdìh, chờ hờp ngan, ơm ntàu tềng bơr tơrlung mờ wa\ rò tơl nă cau, tơl nă cau lik bơh tơrlung”.

Mờ bơta lơh ngan tus bal dong kờl rềs àr tàm dơ\ tơrlah gùng brong hìu măy pờ tơlik ồs đèng Dà Dơng, bi Quyền neh geh Mpồl lơh sa dờng chah lơh sa mờ măy mok mờ phan kuơ tàm ù Việt Nam, Gah Kă bro mờ lơh sa mờ măy mok dà lơgar mờ Mpồl ơruh pơnu Cộng sản Hồ Chí Minh dà lơgar pà sră jờng rơ. Pa do, bi kung geh Mpồl Đảng gah mpồl lơh sa kă bro Dà lơgar pà sră jờng rơ tàm srơh bơsram mờ lơh jat broă lơh niam mờ ơnà jak Bác Hồ dê. Gơ wèt mờ cau lơh chah geh să jan jù tài bơh tơngai sa mờ bàr nơm tê rơgai rơgong mpờl ntìng mờ ơră lơm hơ\ mìng là ală broă lơh bè ờs mờ bi geh kơnòl pal lơh.

Bi Văn Công Hoà, là cau lơh phan tàm Mpồl lơh sa kă bro bal Lơh lòs Nhà Bè kung đơs, bơsram bơh Bác bơh tàm ală broă lơh ờs mờng pah ngai. Mờr 30 nam là cau lơh phan lơh niam wơl rơndeh rơndồ măy mok, bi neh kơlôi sơnơng mờ geh uă ngan broă bơceh lơh, lơh geh bơta kuơ ai mpồl lơh sa kă bro in. Rềp ndo ngan rlau jơh, mờ bàr broă bơceh lơh tam gơl pa măy tơn kăp che mờ mòn măy gi\t ală bơta pràn dà, bi Hoà neh dong mpồl lơh sa kă bro tềm pềr geh priă tă lơh gi\t nđờ rhiang tơlak priă. Ală broă bơceh lơh hơ\ kung pơgồp bơnah lơh broă lơh bơh cau lơh niam wơl rơndeh rơndồ măy mok ờ huan bòl glar rlau. Ờ mìng tơryang tơr yồng, mờ jơh nùs mờ broă lơh, bi Hoà gam sùm dong kờl oh mi tàm mpồl lơh broă. Pah ngai, bi kơrhia ngan lòt sền tơl măy mok mờ kơrhia ngan cih wơl tàm sră cih lời wơl pah ngai broă lơh, sền măy mok hơ\ ngui bè lơi, ờdiơng bè lơi mờ lơh bơsong bè lơi. Oh mi cau lơh phan kơnờm tàm hơ\ mờ ai geh jơnau bơsram tu\ lơh broă. Bi Văn Công Hoà pà gi\t, gơ wèt mờ ală cau lơh phan să tờm lơh broă tơn bè bi, bơsram mờ lơh jat broă lơh niam mờ ơnà jak Bác Hồ dê hơ\ là sùm geh jơnau gi\t wa\ rơndăp tăp sèng bơyai lơh, lơh glài lơh broă mờ geh kơnòl uă mờ broă lơh. “Bơsram tàm Bác Hồ là pal bơsram uă ngan, hơ\ là tơryang tơryồng, he kơlôi sơnơng, lòt jòi, tơryang tơryồng mờ broă lơh pah ngai. Ngai do he lơh ờ gơtùi, den rê he kơ\ nùs kơlôi sơnơng lơh wơl. He lơh dùl broă lơh lơi hơ\ bulah là dềt rơhền ngan, mơya tu\ lơh geh cồng nha den là chờ hờp ngan. A` kung bè oh mi tàm mpồl lơh sa kă bro sơl, sùm jơh nùs ngan nàng lơh geh broă bơceh lơh kung bè khat ală bơta lơi nàng he lơh mờ geh kuơ ai mpồl lơh sa kă bro in bè bơta lơh broă”.

Ală bi Trần Văn Quyền mờ Văn Công Hoà mìng là 2 tàm khà uă ngan cau lơh broă neh sơr lèt gan kal ke, lam lài, lơh lài tàm broă lơh, là ală krơh niam tàm srơh bơsram mờ lơh jat jơnau Bác Hồ bơto sồr. Lơh jat Kơrnoat sồr sồ 03 bơh Gah Gùng dră bal dà lơgar dê bè pơn jat tai lơh pràn bơsram mờ lơh jat broă lơh niam mờ ơnà jak Bác Hồ dê, 5 nam do, broă bơsram mờ lơh jat Bác Hồ neh gơ gơs là srơh tàm pơrlòng duh hồl tàm jơh ală rơnàng làng bol. Ồng Mai Văn Ninh kuang jat jơng atbồ Mpồl mblàng yal gùng dà broă lơh Dà lơgar dê mơkung là Kuang atbồ mpồl cau dong broă Kơrnoat sồr sồ 03 bơh Dà lơgar dê đơs là, bơsram mờ lơh jat Bác Hồ ờ go\ di sơnđờm bơh ală broă lơh lơi dờng ir, mờ pal bơsram tàm ală bơta balhiă, dềt rơhền ngan rlau jơh. Tơngai tus, Mpồl mblàng yal gùng dà broă lơh dà lơgar dê geh sac rwah ală tơngume kuơmàng bè nùs nhơm bồ tơngoh, broă lơh bơh Bác Hồ dê nàng lơh bè lơi [ươn gi\t, [ươn kah mờ [ươn lơh jat mờ geh lơh jat tàm rài kis, dipal mờ bơta geh ngan bơh tơl tiah, tơl anih lơh broă mờ tơl nă cau dùl nă să is dê. Ồng Mai Văn Ninh, pà gi\t: “Broă bơsram nùs nhơm bồ tơngoh Bác Hồ dê, uă jơnau đơs tă pơgồp uă ir, ờ gơtùi bơsram jơh geh ờ, den tàng tàm tơngai lơh broă 12 do, geh lơh ngan sac rwah lơh ală tơngume tờm mơkung pal ai tơmu\t gơ gơs là tơngume cribơyai sùm bơh ală kơnă mpồl đơng lam Đảng, Gơnoar atbồ, mờ mpồl cau dê tàm jơh ală anih lơh broă gùng dră bal bơh bol he dê. Bơsram den kung neh niam rao, dơ\ do geh lơh nền nòn rlau, pal lơh geh kuơ ngan ngồn rlau. Tơngai lơh broă dơ\ do ai lơh ngan ngồn mờ gơ gơs lơh sùm. Bơta do geh bơta bơto pơlam tu\ geh kơrnoat sồr, ờ gơtìp rồn bơklơn mờ gơ gơs là lơh is”.

Ală ngai nhai 5 do, kah tus Bác Hồ kờn gơboh, tơl nă he ờ mìng kah bè dùl nă kuang đơng lam bồ pơnrơ ngan neh lời jơh dùl rài kis he dê ai broă lơh tơngklàs jơi bơtiàn in lơm gời mờ broă lơh niam mờ ơnà jak Bác Hồ dê gam niam bơne\ àng gơcrà ngan sùm bơh ală bơta balhiă ngan, dềt rơhền ngan, bè ờs ngan tàm rài kis mờ khat dùl nă cau lơi kung gơtùi lơm bơsram mờ lơh jat nàng lơh niam is să tờm he dê, tă pơgồp ală broă lơh geh kuơ ai làng bol [òn lơgar mờ ai dà lơgar in.

Cau cih mờ yal tơngi\t- Lơ Mu K’ Yến