VOV4.K’ho – Thủ tướng Chính phủ pa geh Quyết định bè broă lơh kơ\ kơl jăp wơl mờ ai ngui kơrnoat lơh broă bơh Mpồl lơh broă bơh Thủ tướng Chính phủ dê. Jat Quyết định do, Bộ trưởng, Kuang atbồ Văn phòng Thủ tướng Chính phủ là ồng Mai Tiến Dũng lơh Kuang atbồ Mpồl lơh broă.

Mpồl lơh broă geh kơnòl dong broă, dong Thủ tướng Chính phủ tàm broă jat sền, chul chồl ală bộ, ală anih lơh broă mờ ală tiah lơh jat ală kơnòl broă, jơnau đơs pơndu\t, jơnau đơng lam jơnau sồr bơh Chính phủ, Thủ tướng Chính phủ dê jàu; geh Thủ tướng Chính phủ jàu gơnoar lòt sền ală bộ, ală anih lơh broă mờ ală tiah tàm broă lơh jat kơnòl broă.

Mpồl lơh broă kung geh gơnoar jat sền đơng lam broă lơh jat kơnòl broă tu\ ală bộ, ală anih lơh broă, ală tiah geh jơnau đơs ờ ndrờm bal. Mpồl lơh broă geh gơnoar sồr ală bộ, ală anih lơh broă, ală tiah, ală mpồl cau mờ cau dùl nă să is geh gơrềng yal, yal tơngi\t jơnau, sră nggal gơrềng tus broă lơh jat kơnòl broă, jơnau đơs pơndu\t, jơnau đơng lam jơnau sồr bơh Chính phủ, Thủ tướng Chính phủ dê.

Cau cih mờ yal tơngi\t- Lơ Mu K’ Yến