VOV4.K’ho-Dùl tàm ală broă lơh nàng mpồl kuang bàng, đảng viên lơh jat gơnoar broă, kơnòl broă bơh he dê hơ\ là lơh krơh, lam lài tàm jơh ală tu\, tơl anih ai kấp hơđơm mờ làng bol in. Lơh krơh tơngo\ tàm Bơr đơs gơ lòt jat bal mờ broă lơh, lơh jat niam broă lơh do geh pơgồp bơnah tơnguh uă pràn jak đơng lam bơh Đảng dê mơkung lơh geh cồng nha broă lơh bơ\t bơtàu, lơh niam wơl Đảng tàm tu\ tơngai tu\ do.

Jơnau cih khà 8 bơh Ban Chấp hành Đảng Dà lơgar dê cih loh: Nàng lơh jat kơnòl lơh krơh, kuang bàng, đảng viên mờ lài ngan là Ủy viên Bộ Chính trị, Ủy viên Ban Bí thư, Ủy viên Ban Chấp hàng Đảng Dà lơgar pal lơh jat niam ală kơrnoat. Pal lam lài lơh jat kơnòl lơh krơh, pal lơh krà` is mờ să tờm mờ krà` cê jơh nùs tam dră wơl mờ ală jơnau gơ tơngo\ ờ niam, bè nùs nhơm să tờm is, đơs ờ gơ lòt jat bal mờ broă lơh, sơ êt sơ ềl, pơthì bơthà, ờ niam, sa kuề sa kùa, bơcrì bơcrà, sơmờm gơnoar broă, jòi sa is…

Lơh jat Jơnau sồr do, Bí thư Tỉnh ủy Hải Dương ồng Nguyễn Mạnh Hiển pà gi\t, Tỉnh ủy Hải Duơng sồr ală oh mi kấp ủy, kung bè kuang atbồ ală sở gah lơh broă càr dê cih mat dan broă lơh pa nàng lơh jat broă lơh krơh. Ală anih cih mat dan là bơta kung bè broă nàng sền swì, săp sèng, kung bè sền wơl ală broă lơh bơl tơl nă oh mi dê tàm tu\ lơh jat kơnòl broă. Bè kơnòl lơh krơh gơ wèt mờ să tờm he dê là Ủy viên Đảng Dà lơgar, ồng Nguyễn Mạnh Hiển, pà gi\t:

Kờ` lơh krơh, den bơr đơs pal gơ lòt jat bal mờ broă lơh. A` lơh broă do đơs he in kal ke. A` mìng kah ngan dùl bơta, he đơs bơta lơi den he lơh bơta hơ\ gơ in di. Kơlôi mờ lơh ai bơta kuơ bal dờng màng rlau jơh, bơh broă kuang bàng tus ală tu\ sồr lơh jat kơnòl broă, ngan là pal geh bơta kơlôi sơnơng nàng bơta bơtàu tơnguh bal càr dê gơ in niam rlau. Kơ\p kờ` bơh a` dê Đảng pal pràn, gơnoar atbồ pal lơh broă, bơr đơs gơ lòt jat bal mờ broă lơh.

Broă lơh krơh bơh kuang bàng, đảng viên, kuang đơng lam bồ dê hơ\ là bơ\t bơtàu rùp să, bơngă pin dờn bơh Đảng dê. Tài bè hơ\ den tàng tàm ală tu\ đơng lam kăc màng, Đảng sùm sền dờng màng ngan broă bơsram tàp, bơto bơtê, tề lam, lơh niam gơnoar broă lam lài, lơh krơh niam bơh đảng viên dê. Ủy viên Đảng Dà lơgar, Bộ trưởng Bộ Tài nguyên mờ Môi trường ồng Trần Hồng Hà đơs bè do:

Tu\ neh là dùl nă kuang bàng đảng viên mờ ngan là dùl nă kuang đơng lam bồ, nàng kấp hơđơm he dê in mờ ală cau mờ bol he kờ` bơtòm tơrgùm, lam sồr khi đòm jat den să tờm bol he pal lơh krơh lài. Tàm jơnau cih kơnòl lơh krơh, pal geh dùl jơnau cih loh làng nàng jơh tơl nă kuang bàng, đảng viên tàm ală tu\ lơh jat kơnòl bơh he dê sùm pal kah, sùm pal sền tàm hơ\ nàng lùp bơsram, đòm jat. Să tờm tơl nă kuang bàng đảng viên pal niam ngan, song dơ pă ngan, lơh ngan pơđơl pràn bơsram tàp nàng he là dùl krơh niam ai cau ndai in sền mờ đòm jat.

Cồng nha bơh lơh krơh dê tàm tu\ đơng lam, ngan là tàm broă lơh nùs nhơm bồ tơngoh, den tàng Chủ tịch Hồ Chí Minh nting tơngkah: “Dùl krơh niam kis gơ geh kuơ rlau mờ dùl rhiang jơnau cih đơs mblàng yal”. Broă gơ ai tơlik là `cau lơh krơh ai cau in? Chủ tịch Hồ Chí Minh đơs là: “Ai krơh cau niam, broă niam nàng pah ngai bơto bơtê bal ndrang mờ gơ\p là dùl tàm ală broă lơh niam ngan rlau jơh nàng bơ\t bơtàu Đảng, bơ\t bơtàu ală mpồl kăc màng, bơ\t bơtàu kòn bơnus pa, rài kis pa”. Ồng sồr tơl nă kuang bàng, đảng viên ờ go\ di mìng pal geh kơnòl bơsram tàp niam is, mờ gam pal lơh krơh tàm broă lơh mờ rài kis, tàm jơh ală tu\, jơh ală anih, sùm bơr đơs gơ lòt jat bal mờ broă lơh. Ồng Nguyễn Đức Hà, lài do là Kuang atbồ Vụ, Mpồl Rơndăp tăp sèng dà lơgar đơs nền:

Bác Hồ neh đơs “Đảng viên lòt lài, làng bol lòt jat tơnơ\”. Dùl nă đảng viên mơya at gơnoar broă dờng den bơngă gơrềng dờng rlau. Cau kuang bàng bàng kấp dờng màng dilah lơh broă niam, lơh geh bơta gơn kơnờm uă, geh bơta pràn lơh gơrề uă mờ bơta gơrềng pràn kơldang, bơnah gơrềng dờng ngan. Ai dilah kuang bàng kấp dờng màng ờ niam, den loh làng gơdờp ờ niam, gơrềng mờ bơngă pin dờn bơh Đảng dê là uă ngan.

“Lơh krơh- bơr đơs pal gơ lòt jat bal mờ broă lơh”. Lơh krơh lài ngan bè jơnau gi\t wa\, jơnau kơ\p kờ`, cribơyai, jơnau kơ\p kờ` kăc màng. Tàm broă lơh geh jàu den lơh jat niam ngan rlau jơh. Kuơmàng, lơh krơh tàm nùs nhơm rài kis. Phó Ban Tuyên giáo dà lơgar lài do ồng Nguyễn Hồng Vinh sồr: Pal đơs uă gơnoar broă bơh cau lam bồ kấp ủy dê, mơkung sơlơ tơnguh tai broă lơh sền swì gròi sền Đảng, gròi sền bơh làng bol dê gơ wèt mờ broă lơh krơh:

Gơ wèt mờ a` pal lơh jat jơnau đơs “Đơs dùl êt lơh uă”, “bơr đơs pal gơ lòt jat bal mờ broă lơh”, neh lơh den pal lơh ngan jơh nùs mờ geh cồng nha. Jat a` sơning den, lơh jat broă lơh krơh pal geh lơh ngan ngồn. Nàng lơh jat lòt lài lam lài bè hơ\ den gơ wèt mờ oh mi he pal jơh nùs niam nùs kờ` bơ\t bơtàu iat kơno jơnau đơs bè bơta niam, bơta ờ niam, ngan là bơta ờ niam, ba` pơ`ừ să, jòng ir să jan. Gơ wèt mờ oh mi he pal jơh nùs ki ngàm, dùl nùs dùl tồr, tam klac, geh bồ tơngoh bơt bơtàu kòn bơnus mờ gi\t tàm wa\ wờng, tàm toh glài bal tềng đap ală bơta tìs neh rlau gơtìp bơh oh mi dê jat tàm jơnau sồr mờ kơrnoat boh lam Đảng dê.

Broă lơh krơh bơh kuang bàng, đảng viên dê hơ\ là bơ\t bơtàu rùp să, bơngă pin dờn bơh Đảng dê. Tơl nă đảng viên pal lơh krà` is mờ să tờm mờ krà` cê jơh nùs tam dră wơl mờ ală bơta mpờl go\ “kơlôi sơnơng tơngai lơh broă”, êt sơ ềl ờ niam, tam cah gơ\p mpồl…Pal ai broă lơh krơh gơ gơs là broă lơh is, lơh sùm mờ gơ gơs là bơhiàn niam chài bơh tơl nă kuang bàng, đảng viên dê, pơgồp bơnah kuơmàng tàm bơt bơtàu Đảng sàng goh, pràn kơldang kơ\ kơl jăp…Lơh jat niam broă lơh krơh “bơr đơs pal gơ lòt jal bal mờ broă lơh” ngan ngồn geh lơh tơnguh tai bơta pin dờn bơh làng bol dê tàm Đảng!

Cau mblàng Lơ Mu K’Yến