VOV4.K’ho- Mờ tơngume “Tơnguh uă pràn jak đơng lam, pràn tam lơh bơh Đảng bộ dê, bơ\t bơtàu Anih Jơnau đơs Việt Nam gơ gơs là anih lơh broă mblàng yal jơnau uă gah, uă bơta pa ngan, pràn kơldang kơ\ kơl jăp tơl làm”, Pơrjum dờng cau ala măt Đảng bộ Anih Jơnau đơs Việt Nam dơ\ 26, tơngai lơh broă bơh nam 2020- 2025 geh lơh tàm 2 ngai (ngai 17 mờ 18/8) geh bơyai lơh cồng nha tàm Anih tờm pờ tơlik jơnau đơs dà lơgar, Hà Nội.

Ồng Nguyễn Thế Kỷ, Kuang ătbồ dờng Anih Jơnau đơs Việt Nam pà bơkàu gờm chờ Ban Chấp hành Đảng bộ Anih Jơnau đơs Việt Nam khoá 26, tơngai lơh broă bơh nam 2020- 2025

Đơs tàm pơrjum dờng, ồng Nguyễn Thế Kỷ, Kuang ătbồ dờng Anih Jơnau đơs Việt Nam đơs sùm gùng lòt 5 nam tus Anih Jơnau đơs Việt Nam pal tơrgùm jơh ală bơta pràn, bồ tơngoh jak, bơta kơ\ nùs, bơceh pa, tam gơl pa nàng bơ\t bơtàu Anih Jơnau đơs Việt Nam gơ gơs là anih lơh broă mblàng yal jơnau uă gah, uă bơta, uă dà đơs, pa ngan, sơrbac mhar jrô ơnàng, pràn kơldang kơ\ kơl jăp tơl làm.

Pơrjum dờng ơn jơnau kờ` bơtàu tơnguh tàm 3 bơta tờm: Pờ tơlik jơnau đơs- Sơ`io rùp- Báo điện tử, bal mờ bơnàng jă kỹ thuật- măy mok pa ngan; Broă ătbồ pa ngan, geh cồng nha. Pơrjum dờng Đảng bộ Anih Jơnau đơs Việt Nam neh pồ geh Ban Chấp hành Đảng bộ Anih jơnau đơs Việt Nam khoá 26, tơngai lơh broă bơh nam 2020- 2025 geh 30 nă kuang bàng. Tàm dơ\ pơrjum dơ\ dùl Ban Chấp hành Đảng bộ Anih Jơnau đơs Việt Nam neh pồ Ban Thường vụ Anih Jơnau đơs Việt Nam dê geh 7 nă kuang bàng.

Cau mblàng Lơ Mu K’Yến