VOV4.K’ho - Rềp do, tàm ờ uă tiah bơh tàm ]àr Dak Nông neh geh 2, 3 dơ\ mìu lơh gơmù duh tơngai, mơya tàm kơnhòal Dak Mil gơlơh ờ hềt geh mìu, bơta trồ prang gam gơbàn krà` ]ê ngan, khà dà bơh tàm ală tơnau dà, dà dờng mờ bơtơt rbòng dà gơbàn gơ hòai soat mhar. Rlau dùl poh do, kơnhòal Dak Mil neh mut lơh broă bồm dà bơh ală tơnau dà, bơtơt tàm khà dà ờ uă bồm tus ală rbòng nàng drơng lơh sa. Jơnau ]ih geh đơs bè bơta lơh ngan sơndră trồ prang tàm kơnhòal Dak Mil, ]àr Dak Nông:

Tàm kơnhòal Dak Mil, trồ tiah prang duh jo\ jòng lơh bơta soat dà gơlik geh tàm uă tiah, nàng dong chi tam làng bol pal bồm dà tàm uă dơ\, mơya dilah bơta soat dà pơnjat tai gơlik geh jo\ jòng, den uă suơn chi digơlan gơtìp ờ tơl dà, lơh gơmù ]ồng nha tơnhàu.

Bi Nguyễn Ngọc Long, ơm tàm ntum Thuận An, kơnhòal Dak Mil, ]àr Dak Nông pà git: “ Tàm pơgap 1 nhai tai mờ ờ geh mìu den pal bồm dà 1 dơ\ tai, dà tàm do ai bơh tơnau dà bơh anih suơn dờng Thuận An dê, dilah rơbòng dà mờ soat dà den tơnau kung soat sơl, ờ geh dà nàng bồm tai.”

Tềng đăp bơta trồ prang dờng soat dà gam gơlik geh tàm uă tiah, mpồl lơh sa kă bro ngui bơtơt rơbòng dà kơnhòal Dak Mil neh pơgồp bal mờ [òn lơgar ]rap mai\ bồm nàng bồm dà bơh ală tơnau dơng dà gam dùl êt nàng tơmut tàm ală rơbòng dà. Tàm bơtơt rơbòng dà Bu Dak, ntum Thuận An, rlau dùl poh do, ]au lơh broă mpồl lơh sa kă bro do pal lơh broă ngai măng nàng bồm dà bơh tơnau tơmut tàm rơbòng dà, gàr tơl dà bồm mờr 200 lồ kơphe mờ phan tam làng bol dê. Bi Lại Cao Mạnh, ]au lơh broă mpồl lơh sa kă bro ngui bơtơt rơbòng dà kơnhòal Dak Mil pà git: “ Tơnau Bu Dak tàm ntum Thuận An, kơnhòal Dak Mil tu\ do neh soat ngan mờ bol a` neh geh rơndap broă sơndră trồ prăng soat dà, mờ geh sơndră bơta soat dà tus tu\ blàng sre neh geh dà den geh ơm ờ tơmut tai, mờ geh rơndap broă sơndră soat dà dilah trồ gam ờ mìu.”

Dà tàm ală bơtơt rơbòng dà Dak Puer, tơnau bơnơm ồs, Dak Ken kung neh soat tus khà lơyah ngan. Broă bồm dà bơh tơnau mut tàm rơbòng dà halà tam pà dà bơh tơnau dà đah mattơngai mut tus ală bơtơt rơbòng dà gam geh mut lơh, bơh hơ\ neh dong uă bă chi tam tềng đăp jơnau pơhìn gơtìp săng gời. Ồng Võ Ngọc Khoa, ơm tàm ntum Thuận An, kơnhòal Dak Mil đơs:  Mpồl lơh sa kă bro mut ngui bơtơt rơbòng dà kung neh ai mai\ bồm tus tàm nđờ ngai do nàng làng bol ntum Thuận An đơs bal kung geh tơl dà nàng bồm. Dilah mai\ mok gơbàn ờ niam den he kung ờ gơtùi lah sơl, mơya neh tơmut tơl dà tờm kơphe gam ro kơnra` in.”

Mpồl lơh sa kă bro mut ngui bơtơt rơbòng dà Dak Mil tu\ do gam sền gàr 30 tơnau dơng dà, tu\ do geh 3 tơnau dà gam soat, 3 tơnau dà geh khà dà neh mờr soat, pal ngui mai\ bồm nàng tơmut dà bơh tơnau tus rơbòng dà. Mìng is bơtơt rơbòng dà Dak Ken pal bồm dà bơh tơnau đah mattơngai mut, tus tu\ do neh bồm geh 823 jiơ, dong geh dà bồm tus mờr 2 lồ kơphe tàm ntum Dak Lao.

Ồng Nguyễn Văn Truyền kuang atbồ mpồl lơh sa kă bro mut ngui bơtơt rơbòng dà Dak Mil pà git: “ Tài bơta trồ prăng dờng jo\ jòng den tàng tus tu\ do tàm kơnhòal Dak Mil neh gơlik geh bơta soat dà kơnjơ\ ngan tàm ờ uă ntum bè Dak Lao, Dak Ga`, Thuận An mờ ờ uă ntum ndai. Mơya tus tu\ do, den mpồl mut ngui bơtơt rơbòng dà kơnhòal Dak Mil neh pơgồp bal mờ ală ntum sơndră bơta soat dà, ờ uă tơnau gam dà, gam gơtùi bồm, den mpồl bol a` kung neh bồm dà bơtơt rơbòng dà Dak Puer, tơnau Bu Dak, tơnau bơnơm ồs mờ rơbòng dà Dak Ken in. Tus tu\ do den ală bơtơt rơbòng dà do neh geh tơl dà nàng bồm tus mờ ală bă chi tam làng bol dê, kờ` pleh ờ gơtìp bơta trồ prăng soat dà lơh aniai.”

Tu\ do, bơdìh ờ uă bơtơt rơbòng dà geh bồm dà tơmut bơh ală tơnau dà tàm kơnhòal Dak Mil, gam geh 3 tơnau dơng dà ờ jai bồm dà tai, dilah trồ tiah prăng duh gam jo\ jòng mờ ờ geh mìu, den bơta ờ tơl dà digơlan gơlik geh kal ke, uă bă chi tam gơmù ]ồng nha tơnhàu halà săng gời tơn tài ờ geh dà nàng bơt bơtàu rơndap broă sơndră bơta trồ prăng dờng soat dà.

                                                                                                          }au mblàng K’ Duẩn.