VOV4.K’ho- Drim ngai 24/12, tàm Hà Nội, Bảo hiểm xã hội Việt Nam bơyai lơh pơrjum pờ tơlik tơn tàm internet lam lơh kơ nòl broă nam 2021 mờ 63 anih pờ tơlik tơn tàm Bảo hiểm xã hội ală càr, [òn dờng gơ wèt dà lơgar bal mờ 646 anih pờ tơlik tơn tàm Bảo hiểm xã hội ală quận, kơnhòal. Tus bal pơrjum, geh Phó Thủ tướng ồng Vũ Đức Đam.

Nam 2020, Gah Bảo hiểm xã hội lam lơh niam ală broă lơh Bảo hiểm xã hội, Bảo hiểm y tế, bảo hiểm ờ geh broă lơh ai cau blơi bảo hiểm in; rề ơnàng mpồl cau blơi bảo hiểm; chồl pràn lơh niam wơl hành chính, ngui công nghệ thông tin tàm broă atbồ; kuơmàng là ală broă lơh sơndră, dong kờl mpồl lơh broă, mpồl lơh sa kă bro, làng bol tềng đap ală gơ rềng bơh kòp Covid-19, trồ tiah lơh aniai, càl rbut dờng, dà ko\ dà cò lơh aniai.

Đơs tàm pơrjum, Phó Thủ tướng, ồng Vũ Đức Đam sồr gah Bảo hiểm xã hội pal sền wơl ală bơta ờ niam pal bơsong bè dồs gam wơl, lơyài tơm pria\ blơi Bảo hiểm xã hội, Bảo hiểm y tế, tơnguh mpồl cau blơi Bảo hiểm xã hội, Bảo hiểm y tế, Bảo hiểm ờ geh broă lơh, lơh ngan tus nam 2025 geh 45% cau lơh broă blơi Bảo hiểm xã hội.

Cau mblàng K’Duẩn