VOV4.K’ho- Kung gơ ơm tàm dơ\ Pơrjum ală kuang bàng dờng màng dơ\ 2 (SOM2) mờ ală dơ\ pơrjum geh gơrềng bal Nam APEC 2017, ngai òr 9/5 tàm Hà Nội, ală kuang bàng tus bơh 21 lơgar tàm mpồl Cribơyai lơh broă bal lơh sa châu Á- Thái Bình Dương neh tus Cribơyai bè mat Sền sơ wì kơryan ờ ai tơnhàu phan kuơ tàm ù bơh Chính phủ dê; Cribơyai Sră cơng tàng tăc phan mờ lơgar ndai; Mpồl cau bơyô bè cau kue\t kơlte; Mpồl lơh broă bal gùng dà broă lơh bè cau ùr mờ lơh sa. Tơngume tờm tàm ngai lơh broă bơh sơnrờp tơrgùm tàm broă cribơyai bè ală broă lơh kờn lơh pràn gơnoar broă cau ùr dê tàm mpồl bơtiàn; tam pà bal bơta mờng chài chul chồl gơnoar mờ bơta kuơ bơh cau kue\t kơlte dê; sền gàr ờdo ờdă phan sa bơh ai sră cơng tàng tăc phan mờ lơgar ndai. Tàm dơ\ pơrjum dơ\ 11 bơh Mpồl lơh kơnòl broă dờng màng bè tơnhàu phan kuơ tàm ù, ală kuang bàng cribơyai uă bè tu\ tơngai niam mờ bơta lòng kung bè ală gùng dà broă lơh nàng atbồ geh cồng nha mờ lơh geh tơl ală bơta niam ai ală broă lơh tơnhàu phan kuơ tàm ù kơ\ kơl jăp jo\ jòng.

Cau cih mờ yal tơngi\t- Lơ Mu K’Yến