VOV4.K’ho - Tàm broă bơ\t bơtàu [òn lơgar pa, tàm càr Dak Lak neh go\ geh uă bơta phan tam cèng geh uă priă pah nam tàm 1 lồ ù tam. Mùl màl kung pà go\, ală broă lơh geh uă priă sùm gơtìp lơh ơnàng ir, lơh gơtìp uă ir jăt mờ rơndăp broă geh ai, lời wơl uă bơta ờ niam.

Sơlơ\u wơl, tàm uă tiah tàm càr dê, làng bol gam đềt mềr mờ brê. Bu\ lah geh priă bơh brê  uă, mơya mờ ală bơta kuơ kơl jăp neh mờ geh ai geh, broă lơh sa mờ brê gơtùi pơgồp bal tai dùl broă lơh kơl jăp, dong kờl càr do gàr niam broă bơsong dơle\ 3 broă: lơh sa, mpồl bơtiàn, tiah kis.

Tu\ ală dơ\ càl tô mrềt sơnrờp ngan tàm nam khồm tus, tiah bơnơm Mdrăk mùl màl mu\t tàm kàl prang. Do kung là kàl, mờ tiah geh uă brê tam ngan càr Dak Lak dê mu\t tàm kàl tơnhào tòm chi keo.

Tàm gùng lòt bơh xã Cư\ Mta tus xã Cư\ Kroă, ală [làng chi keo geh rơndăp bềng bàr gah gùng mờ ală rơndeh dờng, rơndeh dềt tơrbo\ bal pơn diang chi keo l^k tus gùng 26.

Lo\ Nguyễn Thị Thân, gam kơl tơnhào tòm chi keo tàm [òn 4, xã Cư\ Kroă pà g^t, hìu nhă geh tam rơlao 2 lồ tòm chi keo nam dơ\ 2, pal tus 4 nam tai hơ\ sồng geh kơl tơnhào tăc. Tàm tơngai tòm chi keo hìu nhă ờ hềt geh tơnhào, bàr nă ùr bơklao lòt kơl tơnhào chi keo ơpah. Broă lơh do geh lơh sùm tàm ală nhai kàl prang. Di lah ờ tìp mờ trồ tiah ờ niam, den priă geh kung tơl tàm rài kis hìu nhă sơl.

-A` lơh broă ơpah tàm do là kờp jăt tấn. Cau ai 1 tấn là 210 rơbô priă, geh bal koh, klò kơmhò, rơndăp tàm rơndeh. Di lah trồ tiah niam den dùl nă lơh geh di pơgăp 200 rơbô priă.

Lơh sa mờ brê tàm xã Cư\ Kroă tu\ do neh geh uă tus mờ tơl hìu nhă. Uă ngan, 1 hìu tam geh tus 40 lồ tòm chi keo. Ală bă ù mìng 2, 3 sào kung geh làng bol tam chi brê sơl.

Mờ ală dòr brê tam geh gùt xã Cư\ Kroă mờ Cư\ Mta, làng bol kis tàm do gơlơh bè ờ geh tu\ lơi ru bal mờ priă geh. Bơdìh mờ broă tơnhào chi keo geh uă ngan den ală hìu kis rềp jăt gah gùng [uơn ngan tàm broă blơi chi keo, hơ\ sồng koh jăt broă kờ`, klò kơmhò, hơ\ sồng tam cah is kờ` tăc. Ală chi dờng geh lời wơl kờ` òt gơs mpàn, ha là ròc tăc geh uă priă rơlao. Bơnah chi dềt rơlao, cèng tăc ală hìu măi tơrdih chi in.

Gam klò kơmhò dùl bơrtul chi keo tềng đăp hìu, lo\ H’ Nghiêm Byă, kis tàm [òn Ac, xã Cư\ Mta pà g^t, tòm chi keo neh dong kờl ală hìu nhă tàm [òn [uơn lơh rơlao jòi broă lơh tàm tơngai kơ\ chi brê hìu nhă geh tơnhào:

-Brê hìu a` tam ờ hềt tus 3 nam, den tàng kung gam ờ hềt gơtùi tơnhào. Do là chi a` blơi bơh cau ndai dê kờ` lơh sa priă jăt tơngai. Tàm tơngai kơ\p tus chi brê hìu nhă geh tơnhào. Kơnờm mờ ală priă geh bè hơ\, den tàng a` kung [uơn tàm bơta jòi geh broă lơh.

Jăt ồng Trần Văn Kiên, Phó Chủ tịch UBND xã Cư\ Kroă yal, gùt xã tu\ do geh rơlao 1 rơbô 130 lồ chi brê tam, do là broă lơh geh priă uă ngan làng bol kis tàm xã do dê. Bơdìh mờ bơta kuơ bè broă lơh sa, broă tam brê gam ai geh bơta kuơ bè tiah kis, mờ khà kơl dìng bơh chi brê tus 77%.

Cư\ Kroă gam lơh ngan tơnguh cồng nha brê bơh rơlao 100 tấn chi tàm 1 lồ tàm tơngai tơnhào bè tu\ do, tus 150 tấn tàm 1 lồ, kờ` dong kờl làng bol geh priă tàm rài kis uă rơlao bơh brê, pơgồp bal tàm broă lơh gơs khà priă geh tàm rài kis [òn lơgar bơh broă bơ\t bơtàu [òn lơgar pa:

-{uơn bơh broă tam chi brê là tơngai lơh ờ uă. Nam dơ\ 2 rơlao den làng bol ờ pal lơh broă lơi, den tàng geh tơngai lơh tai ală broă ndai kờ` tơnguh geh priă tàm rài kis hìu nhă. Chi brê neh là chi geh ai priă tòm ngan xã do dê.

Den tàng, bơdìh mờ broă lam sồr làng bol bè bơta kuơ bơh chi brê, den gơnoar atbồ xã ai gùng dà broă lơh làng bol in lơh sa kơl jăp, tơnguh khà chi geh lơh bal mờ bơta niam chi brê. Bè tàm 1 lồ tu\ do geh bơh 100 tus 120 ster, tu\ do gam lơh ngan tus tơngai tơnhào pal geh 150 ster rơlao hờ đang.

Bơta geh bè brê tam tàm càr Dak Lak là uă ngan, mờ mờr 44 rơbô lồ tàm tơngai tu\ do, tàm hơ\ kơnhoàl Mdrăk geh 1 bơnah 3. Bơta geh bơh brê tam tàm càr Dak Lak gam uă, di lah ală tiah ù dòr lơh sa suơn sre ờ geh cồng nha geh tam gơl. Bơta kuơ bơh broă lơh sa mờ brê geh gơguh uă ngan di lah ngui măi mo\k tàm broă tơnhào chi brê, ơla mờ broă lơh mờ să bè tu\ do.

Bơta ndai tai, broă dong kờl bơh 8 tơlăk priă tàm 1 lồ chi brê neh dờng jăt mờ kơrnoăt sồ 886 nam 2017 bơh Thủ tướng Chính phủ gam geh ngui, den tàng tam brê geh chi dờng tàm càr Dak Lak gam ờ hềt tơnguh bơtàu. Bơta kuơ bơh broă lơh sa mờ brê geh sơlơ gơguh uă rơlao, di lah ală kal ke pa yal do geh tơmù, ai geh dùl broă lơh kơl jăp, dong kờl broă bơ\t bơtàu [òn lơgar pa tàm càr Dak Lak geh tai ală cồng nha tơl bơta.

      Cau mblàng Ndong Brawl