VOV4.K’ho- Mho 28/10, tàm hìu lơh broă Chính phủ, Thủ tướng Nguyễn Xuân Phúc neh đơng lam pơrjum Thường trực Chính phủ, ai jơnau đơs tàm jơnau yal bơh Ban Cán sự Đảng Chính phủ yal Bộ Chính trị in bè tơn jơh 10 nam lơh jat Jơnau đơs pơn dut sồ 27 bơh Bộ Chính trị dê bè broă rơndap lơh bơtàu tơnguh gùng lòt – pơndiang phan gùng rơndeh ồs Việt Nam tus nam 2020, broă rơndap lơh wèt sền tus nam 2050.

Tu\ do, gùng rơndeh ồs Việt Nam neh geh bơta tam gơl niam ngan. Tàm hơ\ geh gùng rơndeh ồs tiah drà geh sền gròi bơcri pria\. 2, 3 gơl gùng tus tu\ do gùng rơndeh ồs tiah drà tàm [òn dờng Hồ Chí Minh mờ Hà Nội mờr geh ngui. Gùng rơndeh ồs tiah đah tô – tiah đah jum dà lơgar geh lơh niam, drơng dùl bơnah jơnau kờ` pơndiang phan.

Thủ tướng jàu Bộ Giao thông vận tải lơh sir rơndap broă bal mờ rơndap lài ù tiah, broă rơndap lơh bơtàu tơnguh gùng rơndeh ồs Việt Nam tus nam 2030, broă rơndap lơh wèt tus nam 2050 dùl bă nền nòn, yal Bộ Chính trị mờ Quốc hội sền sơ wì. Nùs nhơm dờng là tam gơl pràn gah gùng rơndeh ồs, ai tơlik rơndap broă geh cồng nha, ngan ngồn, nàng bơtàu tơnguh gùng rơndeh ồs Việt Nam.

Cau mblàng K’Duẩn