VOV4.K’ho –  Drim ngai 4/6, tàm Hìu lơh broă Chính phủ, Phó Thủ tướng, ồng Trịnh Đình Dũng đơng lam dơ\ pơrjum bè broă rơndap lơh tam pà bă tiah tơngai bơh nam 2021 tus nam 2030 nàng lơh jat adat rơndap lài ù tiah. Bè tiah Tây Nguyên, pal gàr bè ờs rơndap ù tiah do, ờ gơtùi pơ gồp bal mờ tiah đah jum tàm gùl lơgar. Jơnau là tài bơh tiah Tây Nguyên geh ală bơta krơi is bè niam chài, kòn cau mờ rài kis mpồl bơtìan pal geh sền gròi nàng bơtàu tơnguh mờ pal geh broă lơh is nàng bơsong ring niam.

Bơh broă iat jơnau đơs bơh ală cau jak chài, cau khoa học, ală kuang bàng dê, Phó Thủ tướng đơs nền, rơndap ù tiah jat bă tiah geh pơrya kươmàng ngan tàm broă rơndap ù tiah dà lơgar, là rơndap ù tiah geh bơta tơr gùm bal ua\ gah, nàng kờ` ai tơlik gùng dà bơtàu tơnguh tơr gùm jơh ală bơta, ring bal bơh jơh gùt bă tiah dê. Jat Phó Thủ tướng đơs, tam pà bă tiah pal kờp tus bơta ndrờm bal bè ù tiah, bơta geh is, lơh sa mpồl bơtìan, niam chài, kòn cau, tơnguh bơta pràn, bơta [uơn bơh bă tiah dê, ală tiah dê nàng bơtàu tơnguh lơh sa mpồl bơtìan. Phó Thủ tướng sồr Bộ Kế hoạch mờ Đầu tư tơr gùm jơh ală jơnau đơs tàm dơ\ pơrjum nàng lơh sir jơnau yal Chính phủ in lơh nền bè broă rơndap lơh tam pà bă tiah tàm nhai 6 do tơn.

Cau mblàng K’Duẩn