Làng bol kòn cau Pu Péo mìng kis tàm càr Hà Giang mờ tơrgùm gal ngan  rlau jơh tàm ntum Phố Là, kơnhoàl Đồng Văn. Bulah khà kờp làng bol ờ gal,  mơya kòn cau Pu Péo sùm sền gàr ua\ bơta niam chài rgơi tàm rài kis. Tàm dơ\ geh dơ\ lơh yàng brê bơnơm, geh sền la kuơ màng ngan rlau jơh tus mờ kòn cau Pu Péo. Dơ\ lơh yàng do geh bơyai lơh nàng hòi dan  ngap lơngai tus li la jơi phan in, hòi dan ngap lơngai kòn bơnus, phan ròng mờ chi  che in.

Gơ wèt mờ cau Pu Péo, Lơh yàng duh khuai yàng brê yàng bơ nơm geh dùl bơta kuơ dờng màng ngan, khi pin là yàng ai lơngai ai rài kis làng bol in mờ yàng ơm tềng brê bơ nơm den tàng bơh yô bơh yau ngan, mò pàng bơh cau Pu Péo dê neh sơn tơm să tàm anih duh khuai tềng đăp gùng mu\t tàm brê là, geh bơto tơngkah oh kòn kòn sau sền gàr brê ndu gơn rơh. Bơta pin dờn duh khuai sền gàr brê, duh khuai brê bơnơm, gơ wèt mờ cau Pu Péo, hơ\ ngan kung là duh khuai mò pàng sơl. Brê ndu gơn rơh geh gơnuar broă kuơmàng ngan tàm rài kis pah ngai kung bè tàm rài kis đah huềng bơh khi dê. Den tàng bè hơ\, pah nam, pah tu\ tus ngai 6 nhai 6 jăt nam he, cau Pu Péo bơyai lơh tai dơ\ lơh yàng duh khuai yàng brê yàng bơnơm, tài khi đơs là, ngai 6 nhai 6 nam he là ngai sàng goh ngan rlau jơh tàm nam, trồ tiah ndrờm ndu gơn rơh lơm.

Lài mờ tu\ lơh yàng, phan ơn pơdơng duh khuai yàng geh ơn pơdơng tàm đồng halà nha prìt brê, jơnăng duh khuai geh lơh mờ tờm sơkàr tơlir, jơnhoa mờr 2 thơk, wơl măt tus đah bồ bơ nơm jơnhoa.

Broă lơh dơ\ dùl, pơdơng tus yàng brê yàng bơ nơm in ală phan ơn pơdơng gam kis, bè dùl nơm be, mờ 2 nơm iar, 20 bơnah mbar klơm geh koh gơs bơnah dềt ơn tàm 2 anih: Dùl bơnah geh ơn tàm jơnăng duh khuai, mờ dùl bơnah geh ơn tàm đồng ơn tềng đăp jơnăng duh khuai.

Broă lơh dơ\ bàr, ală phan ơn pơdơng gam kis, tàm hơ\ geh be mờ 2 nơm iar tơ nơ\ tu\ ơn pơdơng yàng brê yàng bơnơm in, geh ai lơh puăc. Tơ nơ\ tu\ gơ sơ\t ai mhàm, den ală phan bal mờ mhàm bơh phan do dê pơn jăt tai geh pơdơng tus yàng brê yàng bơnơm.

Broă lơh dơ\ pe, ală phan tơ nơ\ tu\ geh lơh puăc duh khuai yàng brê yàng bơ nơm, den geh ai ràu kloh mờ tru\ sin, hơ\ sồng cèng wơl tus jơnăng duh khuai nàng pơn jăt tai ơn pơdơng duh khuai yàng brê yàng bơnơm.

Broă lơh dơ\ puan là duh khuai cau neh chơ\t, cau bơjơu geh jà jơh ală huềng cau làng bồc bơh jơh ală mò pàng bơh cau Pu Péo dê rê tus bal sền go\ lơh yàng duh khuai yàng brê yàng bơnơm mờ bal mờ yàng brê yàng bơ nơm cih dờp ală jơnau răc dan bơh cau Pu Péo dê, bơh hơ\ sơlơ ai lơngai tai ai brê bơnơm bơh cau Pu Péo dê in, kung bè brê bơnơm bơh ală kòn cau ndai dê tàm bòn lơgar sơlơ tơlir niam sùm mờ sơlơ rề ơnàng.

Tơ nơ\ tu\ jơh duh khuai tơl puan broă lơh, cau kra bòn mờ làng bol bòn lơgar tus tàm anih geh chi dờng mờ jơnhoa ngan rlau jơh tàm brê nàng chu nhàng mờ yal mờ yàng brê yàng bơ nơm in là dơ\ lơh yàng duh khuai yàng brê yàng bơnơm neh jơh lơh. Tơ nơ\ hơ\, cau bơjơu dan mờ yàng brê yàng bơ nơm dùl ê\t chi dềt nàng làng bol kòn cau Pu Péo in tam tàm ală bă ù ờ geh chi che.

Jơnau kờn bơh dơ\ lơh ỳang duh khuai yàng brê yàng bơ nơm bơh cau Pu Péo dê là răc dan bơta ngăp lơngai, mờ ngai lơ ngò ai jơh ală phan bơna in, bơta ngăp lơngai ai kòn bơnus, phan ròng mờ nhơ\t chi che in. Dơ\ lơh yàng duh khuai yàng brê yàng bơnơm ờ mìng geh ală bơta kuơ uă ngan bè nùs nhơm mờ gam đơs tờm gơnuar broă, mờ bơngă bơh làng bol bòn lơgar dê gơ jăt bal mờ brê bơnơm geh is. Bơh jơnau đah huềng tus tàm rài kis pah ngai, lơh yàng duh khuai yàng brê yàng bơ nơm là dùl broă lơh sền gàr brê geh bơta lơh bal bơh làng bol bòn lơgar dê dùl bă kơ\ kơl jăp ngan mờ cèng wơl cồng nha geh kuơ ngan ngồn tàm tiah kơh bơnơm lu\ do.