VOV4.K’ho – Ală ngai do, ală cau lơh Rơndăp broă lơh niam wơl gùng Hồ Chí Minh gơl lòt gan Tây Nguyên gam mhar lơh gơs ală broă gam wơl nàng di tu\ ai rơndeh in lòt rê tàm lồi nhai 6 do. Tu\ do, Mpồl atbồ Rơndăp broă lơh niam wơl gùng Hồ Chí Minh gam tơrgùm lơh jơh pơgăp 700 thơk ù ai lơh gùng tàm 2 càr Dak Nông mờ Bình Phước. Mìng is 300 thơk mat ù lơh gùng tàm kơnhoàl Ea H’leo, càr Dak Lak pa bơsong jơh, mờ geh lơh gơs gùng tàm poh do. Gùng Hồ Chí Minh gơl lòt gan Tây Nguyên geh jơh ală bơta jòng mờr 560 kơi sồ, do là gùng tàm tơrbo\ bal ală tiah lơh sa dờng màng bơh tiah tàm gùl lơgar-Tây Nguyên mờ Tiah đah jum mat tơngai lik.

Gùng Hồ Chí Minh gơl lòt gan Tây Nguyên

Kờ` tơrmù priă tă lòt rê bơh ală rơndăp broă lơh BOT, Mpồl đơng lam Tây Nguyên neh dan mờ Gơnoar ala mat dà lơgar bal mờ Gơnoar atbồ lơgar ai kes priă dà lơgar nàng dong kờl. Ồng Trần Việt Hùng kuang jat jơng atbồ sùm Mpồl đơng lam Tây Nguyên, đơs: “Mpồl đơng lam Tây Nguyên dan mờ Anih duh broă sùm Gơnoar ala mat dà lơgar, Kuang gơs gơnăp gơnoar atbồ hơđang rlau jơh dà lơgar lời dùl bơnah priă ngan ngồn ai bơh kes priă dà lơgar nàng tơm bơnah broă BOT, hơ\ là nàng tơrmù [à ală anih BOT, bè hơ\ sồng gơtùi lơh ai tiah Tây Nguyên in gơtùi  bơtàu tơnguh geh. Mơya, tu\ do, Gah Gùng lòt pơndiang phan dà lơgar neh ngan ngồn geh jơnau đơs là tài bơh kes priă dà lơgar neh geh ai, mờ kes priă dà lơgar kung kal ke sơl, den tàng kung gam pal dờp dùl broă lơh ngan ngồn bè BOT”.

                      Cau mblàng Lơ Mu K’ Yến