VOV4.K’ho - Tàm sơnam 32, tàm tu\ geh uă klau pơnu ndai gam ờ hềt git bè broă jòi geh gùng dà broă lơh să tờm in, den bi Lơmu My Zêll, kòn cau K’ho, ơm kis tàm [òn 3, ntum Dà Sar, kơnhoàl Lạc Dương, càr Lâm Đồng neh là cau geh pơn rơ ngan tàm broă lơh sa kă bro jak, lơh geh cồng nha broă tam biap, bơkàu pơgồp bal mờ broă tam kơphe kơljap. Cồng nha do tus mờ klau pơnu do dê tài bi neh git ngui broă lơh sa pa tàm broă lơh sa mờ git tam gơl phan nam:

Sơn đờm lơh broă mìng mờ 4 sàu ù, kal ke dờng ngan rlau jơh ngai sơn đờn lơh broă bơh bi Lơmu My Zêll dê là bơta priă bơcri lơh broă mờ chài lơh sa sưon sre bal mờ ală bơta chi tam kơphe, biap, bơkàu..

Tus bal pơrjum mpồl ơruh pơnu, bi geh sồr tus bal ơdu\ bơto pơlam bè broă sơngka sền gàr kơphe kơ\ kơljap geh bơyai lơh tàm [òn dờng Dà Làc, càr Lâm Đồng, bơh hơ\ bi geh dùl êt mờng chài nàng sơngka sền gàr kơphe, bi neh jòi is tai bè bơta chài sơngka sền gàr kơphe tàm ală anih yal jơnau tơngit bè internet, tivi, sră [au\ bè chài sơngka sền gàr ală bơta chi tam do… Tơnơ\ ală broă lơh ngan tơr lòng lài, tàm 3 nam sơn đờm lơh broă, bơh 4 sàu ù sơn rờp, bi neh bơtàu tơnguh geh 3 lồ ù nàng tam kơphe, 4 nam tơnơ\ den ai wơl priă bơcri, bơh hơ\ geh priă jền sùm bơh tờm kơphe, mờ 3 lồ ai cồng nha tơnhàu 15 tấn kơphe gar, cồng nha tơnhàu geh kơp kờ` ngan bơh uă hìu nhă tam kơphe dê. Bi Lơmu My Zêll tam pà: “ Bơh pa bau a` gơtìp uă ngan kal ke, ngan là bè priă bơcri. Bơh sơn rờp geh 4 sàu ù, kơnờm 4 sàu kơphe do mờ a` neh lơh ngan sơngka sền gàr mờ tềm pềr tàm 2, 3 nam a` neh blơi geh tai 1 lồ ù, priă bơcri bơh rlau 1 lồ ù do a` blơi 1 lồ ù tai nàng tam kơphe. Bơh 3 lồ ù do a` neh geh priă jền, blơi phan bơna, rơndeh rơndồ tơl làm tàm hìu nhă.”

Jat bi My Zêll, bơta chài sơngka sền gàr là bơta gơ rềng tus cồng nha tơnhàu kơphe kơ\ kơljap. Bi yal bè chài koh ntê, lơh gơs mbur, tơngai tờ [ồng, [ồm dà, tơngai ơn phơng, khà phơng tàm ală dơ\ ơn tờm kơphe in. Bi kung pơlam ală hìu nhă tàm ntum in git bè bơta chài sơngka sền gàr kơphe kơ\ kơljap. Bi đơs: “ Tơnơ\ mờ tu\ neh geh mờng chài sơngka sền gàr kơphe, a` kung jơh nùs bơto chài sơngka sền gàr kơphe làng bol tàm ntum in, nàng làng bol in git bơta chài koh ntê, ơn phơng, tơngai ơn phơng bè lơi gơ in dipal tàm bồ nhai mìu, gùl nhai mìu mờ lồi nhai mìu.”

Bi My Zêll gam bơcri priă nàng tam biap. Kung sơn đờm bơh ală tờm chi [uơn tam bè súp lơ, hơ\ sồng tam gơl tam ờ uă bơta biap kal ke tam bè bó xôi, biap sơbê, biap xà lách ală bơta… Tus tu\ do, priă lơh geh hìu nhă bi dê neh rlau 500 tơlak priă pah nam. Bi đơs tai: “ A` kung tam gơl mờr 2 sàu ù kơphe nàng tam biap, tài tam iap den ai priă cồng uă rlau. Tơnơ\ do geh rề ơnàng tai pơgap 4 sàu ù tai nàng tam biap mờ tơl nă cau gơtùi lơh jat broă lơh bơtàu tơnguh lơh sa hơ\, nàng tam gơl niam rài kis lơh sa.”

Bi gam là cau nhap nhar ngan tus bal ală srơh bơh mpồl ơruh pơnu bơyai lơh bè ơruh pơnu lơh broă, tus bal wàs kloh niam tiah kis, dong kờl bal mờ gơp lơh broă, ală srơh tàp pràn să jan, ală srơh lam sồr klau pơnu lòt ling tàm nam 2015.

Jat bi ùr Liêng Jrang Di Gân, kuang atbồ mpồl ơruh pơnu ntum Dà Sar, kơnhoàl Lạc Dương, càr Lâm Đồng, den bi Lơmu My Zêll ngan ngồn là dùl nă cau geh pơn rơ jak nàng ơruh pơnu tàm ntum đòm jat, brồ guh: “ My Zêll là dùl nă cau tàm mpồl ơruh pơnu geh pơn rơ jak ngan, mơlà dùl nă cau geh pơn rơ ntum dê bè bơtàu tơnguh lơh sa. Tơl broă lơh mpồl ơruh pơnu bơyai lơh bi ndrờm tus bal jơh nùs ngan, mơkung lam sồr tai ơruh pơnu ndai tus bal tàm ală broă lơh bơh mpồl dê. My Zêll là cau geh pơn rơ jak geh ơruh pơnu gùt ntum cih dờp mờ pal geh bơsram đòm jat ngan tàm broă khin cha tam gơl chi tam mờ mut ngui bơta chài tàm broă lơh sa, kơnờm bơh hơ\ hìu nhă bi neh jơh rơbah mờ bơtàu tơnguh rài kis.”

Wă rò sa tềp mờ uă jơnau kờp du\ pa, bi My Zêll tam pà ală kơp kờ` bi ê tus mờ hìu nhă, [òn lơgar: “ Nam pa 2016, nting sap làng bol wă rò sơnam pa mờ sa tềp chờ hờp, ngap lơngai, lơh sa geh cồng nha, tơl nă cau ndrờm bơtàu tơnguh bè lơh sa, geh rài kis hờm ram. Rài kis bơh tơl hìu nhă dê ndrờm tam gơl, lơh kơphe tơnhàu geh uă. Tơnơ\ mờ tu\ jơh sa tềp, làng bol tàm [òn pơnjat tai lơh sre, sưon mìr bè sơngka sền gàr kơphe, koh ntê, jì nhơt… rơcang mut tàm kàl lơh sa pa tàm nam 2016, kơp kờ` nam pa do trồ tiah niam rlau nàng kàl lơh sa tơnhàu geh uă.”

                                                                   Cau cih mờ yal tơngit K’ Duẩn