VOV4.K’ho- Bơh tu\ geh mpồl kuang àng chính quy rê lơh broă, bơta lơngăp lơngai rơndăp tăp sèng tàm kơnhoàl tiah nhàr lơgar Tuy Đức, càr Dăk Nông geh sền gàr niam. Bal mờ hơ\, ală cau lơh tìs neh geh kơryan, dong làng bol iang nùs lơh sa, bơtàu tơnguh lơh sa- mpồl bơtiàn.

Bơsong broă sơrbac mhar mờ geh cồng nha, hơ\ là jơnau đơs bơh làng bol kis tàm ală [òn tàm xã Quảng Trực dê tu\ đơs bè ală kuang bàng, kuang àng chính quy rê lơh broă tàm xã tiah nhàr lơgar do. Bi Thị Bơi ơm tàm [òn Bu Prăng 1, xã Quảng Trực, kơnhoàl Tuy Đức, càr Dăk Nông tơlik nùs nhơm pin dờn mờ mpồl kuang àng xã tơnơ\ dơ\ broă bơh hìu bơnhă bi dê bè do: Hìu bơnhă a` pơgăp mờ do 4 ngai geh dùl nă klau bơ`ul `ô, khai ìa yoas mra mong lòt sreh tơn chơ\t jơh oh mi hìu bơnhă a`. Bè hơ\ là a` hòi điện thoại mờ kuang àng xã in mờ mpồl lơh broă bơh mpồl ling sền gàr tiah nhàr lơgar dê in. Bulah hìu a` dê ơm ngài mờ xã, mờ ờ hềt di 10 phuk gời mờ ală bi hơ\ neh geh măt tơn tàm hìu a` dê nàng dong kờl di tu\. Geh kuang bàng kuang àng chính quy rê den bơta lơngăp lơngai rơndăp tăp sèng gơ là niam ngan, dilah mờ gơlik geh broă lơi den ală kuang bàng hơ\ geh măt tơn di tu\ ngan.

Kuang àng xã lòt tus tơn tàm hìu làng bol dê nàng kờp sền bơtơl sră nggal làng bol ơm kis tàm [òn lơgar

Ồng Điểu Drây, Kuang ătbồ [òn Bu Prăng 1 pà gi\t, làng bol jơi bơtiàn kòn cau ơm tàm tiah nhàr lơgar ngài ngan do sùm ờ geh sră cih mat nam deh mờ ờ tơl uă ngan sră pơ àr să tờm in. Kuang bàng, kuang àng xã neh tus tơn tàm tơl hìu, pơlam làng bol in cih yal di, wil tơl ală jơnau nàng tơnơ\ do lơh sră kim ta làng bol. Ồng Điểu Drây, đơs: Tu\ làng bol lơh mờ dilah geh bơta lơi ờ wa\ wờng là lùp mờ oh mi kuang àng xã, den oh mi mblàng yal tơn, bơto pơlam sền làng bol gam ờ tơl sră pơ àr lơi, pal lơh sră pơ àr lơi. Oh mi kuang àng xã rê tàm tiah do den a` go\ là niam ngan.

 Jăt Đại úy Trần Văn Dũng, Kuang ătbồ Kuang àng xã Quảng Trực yal, 6 nă kuang bàng, kuang àng chính quy tơl nă cau geh bơsram dùl gah broă lơh krơi is, mơya tu\ rê tàm xã den ală bi neh lùp bơsram, tàm bơtơl bal mờ gơ\p in, nàng tơl nă cau ndrờm lơh geh jơh ală broă tàm [òn lơgar. Bal mờ broă dong broă ai kấp ủy gơnoar ătbồ tiah do in gàr kơ\ bơta lơngăp lơngai rơndăp tăp sèng tiah nhàr lơgar, kuang àng xã Quảng Trực neh bơ\t bơtàu kơ\ kơl jăp uă broă lơh sền gàr bơta lơngăp lơngai rơndăp tăp sèng bơh ală [òn lơgar. Đại úy Trần Văn Dũng, đơs: Bơh nhai 3 nam do, bol a` pơgồp bal mờ đoàn viên ơruh pơnu kuang àng càr pà làng bol in 100 móc khúa lơngăp lơngai, tềng hơ\ geh cih sồ điện thoại bơh kuang ătbồ kuang àng xã, phó kuang ătbồ kuang àng xã mờ sồ điện thoại bơh mpồl drơng broă hình sự kuang àng kơnhoàl Tuy Đức dê nàng làng bol in yal mhar ală broă gơrềng tus cau lơh tìs. Bal mờ hơ\ den bol a` kung pơgồp bal mờ mpồl ling sền gàr tiah nhàr lơgar bơ\t bơtàu ală mpồl sền gàr is gùng nhàr lơgar jrong nhàr lơgar nàng tus bal sền gàr tiah nhàr lơgar mơkung bơyai lơh ală anih drơng kơryan tu\ geh cau lơh tìs tàm ù tiah do. Den bơh ală broă lơh bè hơ\ den pa do, bol a` neh jòi bàn mhar ngan 2 dơ\ tung kơ`au rơndeh măy.

 Lơh broă geh cồng nha bơh mpồl kuang àng chính quy dê rê lơh broă tàm xã neh pơgồp bơnah bơ\t bơtàu nùs nhơm rơcăng lài sền gàr lơngăp lơngai tàm làng bol kơ\ kơl jăp ngan tàm tiah nhàr lơgar Quảng Trực, tiah geh tus 17 jơi bơtiàn ơm kis tàm bă ù ơnàng rlau 60 rbô lồ. Ồng Điểu Plơu, Phó Chủ tịch Ủy ban Nhân dân xã Quảng Trực, pà gi\t: Quảng Trực là xã tiah nhàr lơgar kal ke ngan, ngan là gùng lòt rê den kal ke ngan tàm kàl mìu, làng bol ơm kis rah rài, [òn lơgar ơnàng ngan, den broă lơh ătbồ kung là kal ke ngan sơl. Đơs bè mpồl kuang àng chính quy rê tàm xã den là niam ngan tàm broă lơh jăt kơnòl broă kung bè dong broă ai kấp ủy gơnoar ătbồ tiah do in. Tơngai rềp ndo, a` go\ là pơndrờm mờ lài den bơta lơngăp lơngai chính trị tàm xã Quảng Trực neh lơngăp lơngai, tiah do ngai sơlơ bơtàu tơnguh.

Làng bol neh jàu 130 ngkơr phàu mờ mờr 700 gar phàu ală bơta

 Thượng tá Nguyễn Sử, Kuang ătbồ Kuang àng kơnhoàl Tuy Đức pà gi\t, lơh jăt rơndăp broă lơh bơh Bộ Kuang àng dê, dùl nam do, jơh 6 xã tàm kơnhoàl neh ai 41 nă kuang bàng chính quy rê lơh broă. Cồng nha pơnrơ là khà dơ\ lơh tìs glài ku\p jàm tàm 10 nhai nam 2020 dê neh gơmù tus 27% pơndrờm bal dùl tu\ mờ nam lài. Mờ mpồl kuang àng kung neh hòi jà làng bol jàu is 130 ngkơr phàu bal mờ mờr 700 gar phàu ală bơta.

Thượng tá Nguyễn Sử, yal bè bơta mờng chài gàr niam bơta lơngăp lơngai rơndăp tăp sèng tiah nhàr lơgar bè do: Jơnau bơsram mờng chài, hơ\ là lơh bè lơi nàng tơrgùm jơh tơl nă làng bol nàng bơ\t bơtàu dùl mpồl rơcăng lài sền gàr bơta lơngăp lơngai tàm làng bol pràn kơldang kơ\ kơl jăp tàm tiah nhàr lơagr. Tàm do, den bol a` neh mblàng yal ai làng bol in wa\ wờng ală gùng dà jơnau jòi kai, kơi kơrmơi bơh ală cau lơh tìs dê kung bè hòi jà làng bol bơ\t bơtàu ală mpồl sền gàr bơta lơngăp lơngai rơndăp tăp sèng nàng bal mờ kuang àng gàr niam bơta lơngăp lơngai rơndăp tăp sèng. Kuơmàng tàm tiah nhàr lơgar den tơngai lài kuang àng chính quy ai rê lơh broă tàm ală xã do neh lơh niam broă dong broă ai kấp ủy gơnoar ătbồ tiah do in tơrgùm jơh ală anih lơh broă chính trị gàr niam bơta lơngăp lơngai rơndăp tăp sèng tơn tàm [òn lơgar; tàm hơ\ geh ală oh mi hơ\ neh lơh tơn broă lơh ờs mờng, lơh niam broă lơh pơgồp bal mờ ală pôs đồng ling sền gàr tiah nhàr lơgar lơh jăt broă lòt sền nàng gàr niam bơta lơngăp lơngai rơndăp tăp sèng tàm tiah nhàr lơgar.

Kuang àng xã Quảng Trực hòi jà làng bol sền gàr lơngăp lơngai tiah nhàr lơgar

 Broă ai kuang àng chính quy rê lơh broă tàm ală xã tàm kơnhoàl tiah nhàr lơgar Tuy Đức, càr Dăk Nông neh đơs nền cồng nha tàm broă gàr niam bơta lơngăp lơngai chính trị, rơndăp tăp sèng ờdo ờdă jơh gùt mpồl bơtiàn. Mpồl kuang àng chính quy lơh broă mờng chài bơh [òn lơgar neh dờp geh bơta pin dờn kờ` gơboh bơh làng bol dê, pơgồp bơnah bơ\t bơtàu pràn kơldang kơ\ kơl jăp nùs nhơm rơcăng lài sền gàr dà lơgar jơh gùt làng bol tàm tiah nhàr lơgar.

            Cau cih Phạm Minh Huệ- Cau mblàng Lơ Mu K’Yến