VOV4.K’ho - Ngai do, ngai 3 sa tềp Ất Mùi, hơ\ la ngai dơ\ 7, ngai 21/02/2015, gơ klo\ gơ crà bơh sơnam pa gam bềng lìu tàm ala\ [òn làng Tây Nguyên, nùs nhơm lòt lơh broa\ sa bồ nam neh ai go\ ngồr nggà]. Bơh làng bol cau tam kơphe, tus ala\ sươn cao su tơlir crư, tus mpồl cau kong nhơn lơh broa\ tờm ngan tàm Tây Nguyên drờm lik lơh broa\ mờ bơta lơh ngan pa, nùs nhơm pa, kơp kờ` dùl nam pa geh cồng nha. Mo tơnơ\ do, jà làng bol mờ gơp bơyô geh sền iat nàng git wa\ bal bơta lik lòt lơh broa\ bơh làng bol bồ nam.

* Mờ bơta kơp kờ` nam pa geh uă buơn bùai mờ lơh geh nùs nhơm pa tàm broă lơh sa, kă bro, ngai d uă mpồl lơh sa kă bro mờ gơnuar atbồ ală tiah bơh càr Kon Tum dê neh bơyai mut lơh broă bồ nam.

Chờ hờp ngan rlau jơh là dơ\ mu tlơh broă sa bồ nam tàm tiah bòn lơgar. Tàm ală kơn hòal bè Đak Tô, Kon Plông, Đak Hà….bơh àng drim gờ`. git nđờ rbô nă cau mờ bùng bi dà lơgar, băng rôn ràng tơlik nùs nhơm lơh ngan mut lơh jai pha broă lơh bơt bơtàu bòn lơgar pa neh gơ rềng tus làm gùt gùng lòt tàm bòn lơgar, kung bè ală broă lơh kuơ màng bòn lơgar, ntum dê nàng lơh niam gùng lòt mờ bơ tơt rơ bòng dà. Pà git bè nùs nhơm mut lơh broă sa bồ nam làng bol tàm ntum dê, ồng A Chúc, kuang jat jơng atbồ anih duh broă làng bol ntum Ngọc Wang, kơnhòal Đak Hà pà git:“ Tơ nơ\ mờ tu\ rlô sa tềp, ngai do, ntum lam sồr làng bol mut lơh broă sa bồ nam. Gơnuar atbồ ntum lam sồr ală bòn mờ kuang bàng ntum, tam pơdar mờ gơp tus tàm bòn tơn mờ làng bol pơs wàs gùng lòt tàm bòn, hơ\ sồng ală bơ tơ bòng dà tàm blàng sre, tơnau dơng dà ing, bơ tơt rơ bòng dà dềt bal mờ hơ\ làng bol kung pơs wàs hìu đăm he dê. Ngai do, ntum lam lơh bè do làng bol chờ hờp ngan, kờ` ngan, lơh jat bal, làng bol tus bal gal ngan. Tơ nơ\ ngai lik lơh broă do, gơnuar atbồ ntum pơnjat tai lam sồr làng bol sền gròi broă lơh sa. Kàl do làng bol uă ngan là sền gròi kòi kàl mrềt prăng, mai\ bùm blàng, tah bùm blàng, bồm dà kơphe, sền gròi phan ròng gơ in tơl niam.”

  * Tàm ntum Liêng Srol, kơnhoàl Dam Rong, càr Lâm Đồng, tiah geh 85% làng bol tàm do la  cau kòn cau he, ngai do,  ngai 3 sa tềp, làng bol neh lik lòt lơh broa\ sa kàl prang. Mò K’ Luyên kis tàm ntum Liêng Srol, kơnhoàl Dam Rông, càr Lâm  Đồng đơs:“Bulah tàm ala\ ngai sa tềp bơhìan bơh dà lơgar, làng bol kòn cau tàm do gam cờ bal sa tềp chờ ngan, mơya ờ hui\ broa\ lơh la lơh sa kàl prang. Tu\ do bơta sih tam kòi sre neh mut lơh geh 95% bloh. Làng bol kung gam pal lơh ngan sơmờng tuh dà kơphe mờ ala\ bơta chi tam ndai nàng gơ thàn tơt plai. Sền bal, bơta git wa\ broa\ lơh sa nàng di tơngai, ngui bơta jak chài pa neh geh làng bol ngui ua\ ngan, ờ gam  khat lời bè lài tai. Kơnờm bơh hơ\,  rài kis bơh làng bol neh bơtàu tơngguh ua\ ngan, ua\ hìu nha\ neh lik klàs rbah, lơh sa kơljap niam. Go\ loh ngan la bulah la chờ sơnam pa, mơya làng bol kung sùm sền kuơ sơng ka sền gàr chi tam, phan ròng nàng lơh broa\ sa geh cồng nha niam”.

* Tàm bòn Sek, ntum Dliê Yang, kơnhòal Ea Hleo càr Dak Lak, là tiah geh rlau 100 hìu nhă làng bol, mờr 600 nă cau, uă ngan là làng bol kòn cau Rơđê, nùs nhơm lik lơh broă kung neh duh hồl ngan. Làng bol tàm bòn uă ngan là lơh sa suơn sre, tam kơphe mờ ală phan tam lơyah tơngai bè tơ ngời, kòi, bùm blàng,…den tàng làng bol gam rơcang mut tàm kàl lơh sa pa, càn priă bơcri blơi xăng zờu nàng bồm dà tờm kơphe hìu nhă in, mờ bơta kơp kờ` kàl mờr tus geh bơtuah rlau. Ồng Kpă Y Min, atbồ [òn Sek đơs:“ Wă rò sơnam pa den jơh ală hìu nhă bulah geh priă halà ờ kung lơh ngan kơ lôi rơcang, blơi phe mbar nàng klơm wă rò sa tềp, kơp kờ` nam pa geh pràn kơldăng să jan, lơh sa buơn buài, geh cồng nha. Tơ nơ\ mờ tu\ wă rò nam pa, jơh sa tềp den tơl nă cau rê wơl mờ broă lơh suơn mìr, rơcang ală phan ngui, xăng zờu nàng bồm kơphe, koh ntê mờ kơp kờ` tàm nam 2015 do, kơphe geh gơs niam, tơt plai uă rlau nàng cèng wơl rài kis hờm ram làng bol in.”

                                    }au mblàng K’ Duẩn- K’ Brọp.