VOV4.K’ho – Drim òr, 27/4, Mpồl sền gròi, sền sơwì bơh anih duh broă sùm gơnoar ala mat dà lơgar mờ mpồl duh broă te\ khà dà lơgar bơh thiếu tướng Hồ Trọng Ngũ, kuang jat jơng atbồ anih duh broă sền gàr dà lơgar mờ ngap lơngai bơh gơnoar ala mat dà lơgar dê lơh kuang atbồ mpồl neh geh dơ\ lơh broă tàm càr Lâm Đồng bè broă lơh te\ khà.

Đơs tàm dơ\ lơh broă, ồng Hồ Trọng Ngũ neh cih dờp, đơs niam ală cồng nha bơh sơn rờp tàm broă mut lơh te\ khà tàm càr; cih dờp bơta đơng lam ringbal, krà` cê bơh anih duh broă te\ khà càr dê bơh ròt sră nggal pơlam di tu\ ngan. Mơya, tàm tơngai bơh tu\ do tus ngai 22/5, mpồl sền gròi, sền sơwì bơh anih duh broă sùm gơnoar ala mat dà lơgar sồr anih duh broă te\ khà càr pal tơrgùm đơng lam, pơlam mpồl duh broă te\ khà ntum, mpồl te\ khà [òn in dùl bă mùl màl. Pơnjat tai chồl pràn mblàng yal geh tơngume tờm tàm tiah sar lơgar ngài, tiah làng bol kòn cau mờ dà kòn cau, nàng làng bol in git loh gơnoar mờ kơnòl làng bol dê tàm broă tus bal te\ khà. Sền gròi bơsong di gơnoar ală sră lah yă; rơcang gàr lài ală bol tàu dră, lơh aniai kờ` tam cah, lơh aniai tus dơ\ te\ khà… wèt tus dơ\ te\ khà geh bơyai lơh geh cồng nha mờ ngan ngồn gơs ngai chờ bơh gùt làng bol dê.

                           Cau cih mờ yal tơngit K’ Duẩn.