VOV4.K’ho -  Mờ broă kờ` tơl niam ờ do ờ dă cau ling in satềp chờ hờp, hờm ram mờ gơboh gơbài, tàm ală ngai do, gah drơng lơh sa Lữ đoàn 40, Quân đoàn 3 neh rơcang tơl phan sa, phan ngui, tơl bè khà kờ` geh, uă bơta phan mờ kloh niam, ờ do ờ dă.

Sơlơ mờr tus satềp nam pa Bính Thân 2016, broă lơh bơh Thượng uý Nguyễn Công Hải sơlơ ờ ru rơlao. Là cau ling drơng lơh 8 sào ù tam biăp Lữ đoàn in, bi pal lơh di mờ rơndăp broă ai bơh 150 tus 170 k^ biăp ris nàng ală cau tru\ sa in tàm ală ngai satềp. Kờ` gàr niam geh uă bơta biăp tơlir, bi Hải neh tam uă bơta biăp sa nha bè biăp rơpuơn, biăp ngót mờ ală bơta biăp sơbê ndai. Ală bơta kơnuh ngui kờ` tru\ biăp sa mờ chàng bal mờ poăc den geh su hào, cà rốt, bùm tây, rơpoal, … Bơta kuơ màng là kơnờm mờ broă bơceh bè bơta chế phẩm sinh học gơsơ\t tu geh Thượng uý Nguyễn Công Hải lơh gơs, uă nam do, cau ling tàm Lữ đoàn 40 geh biăp sa kloh niam, ờ geh ngui sơnơm sền gàr phan tam bơh tu\ tam tus tu\ tơnhào tơn. “Sơnơm sinh học do geh bal ơlăk, gar bơnàng là 1, kơnuh ca là 2, tỏi là 3, sơnơm bec-bơ-rin, gar mã đề. Khà biăp tơlir geh tàm satềp uă ngan. Tàm hơ\ geh tơl biăp kloh niam kờ` drơng tàm satềp mpồl ling in”.

Kờ` rơcang geh tơl poăc phan ròng, bè poăc sur, kơnrồ, iar, ơda, Lữ đoàn 40 tu\ do gam ròng g^t nđờ rơhiang nơm kơnrồ, rơlao 300 nơm sur mờ mờr 1 rơbô nơm iar, ơda. Mờ broă ròng phan bè do, broă geh ai rơlao 100 k^ poăc sur, iar, g^t nđờ rơhiang nai tăp pah ngai ai ală hìu tru\ sa cau ling in. Satềp do, Lữ đoàn neh rơcang tơl phan sa, kờ` lời tru\ ală phan sa mờ geh ngui kờ` klơm mbar tai. Tàm ală dơ\ sào sa ngai satềp cau ling dê ndrờm geh tơl poăc sur, kơnrồ, ka, tăp mờ khà bơkah geh uă. Thượng uý Vũ Minh Tuấn, dong broă broă lơh sa Lữ đoàn 40, Quân đoàn 3 đơs, broă kloh niam ờ do ờ dă tàm phan sa sùm geh Lữ đoàn ai lài ngan: “Broă lơh tòm bol a` ngui phan sa jơnkah bơh cau ling tơnơ\ mờ ală dơ\ sào sa, bal mờ lơ\, tơngời, lơ\ kòi phe kờ` ai sur bal mờ iar, ơda in sa, kung bè tơl poăc phan ròng kloh niam cau ling in sa. Bơdìh hơ\ tai, pah ngai, pah poh, bol a` ndrờm geh sền gròi tus tơl hìu ròng phan, tus tơl bơnah ròng phan kờ` sền gròi bơta niam bơh lơ\ lơh phan sa phan ròng in. Tàm 1 nhai, bol a` ndrờm lơh broă bal mờ ală kuang atbồ đơng lam ală mpồl ling, kung bè đah ròng phan kờ` lơh jăt ală tơngu me gơrềng bal kờ` phan sa kloh niam, kung bè geh ală broă lơh glài tus mờ ală cau lơi lơh tìs. Tu\ do, den ờ hềt go\ cau lơi tìs”.

Jăt jơnau bơto sồr bơh đah drơng broă lơh sa Quân đoàn 3 yal, nam do, cau ling tàm Lữ đoàn 40 geh bơyai lơh klơm mbar lơh 2 dơ\; tàm ngai 27 mờ ngai 2 satềp kờ` cau ling in geh nùs nhơm ngai satềp. Bơdìh hơ\ tai, Lữ đoàn geh bơyai ală broă lơh nhơl chờ, pơlòng tàp pràn să jan cau ling in; bơyai lơh pơlòng bơka niam plai chi pơdơng tàm ală hìu tru\ sa. Bơh tu\ do, đah drơng broă sào sa neh ai tơl^k ală bơta phan sa tus mờ tơl dơ\ sào sa pah ngai. Tàm dơ\ sào sa, geh tơl ală phan sa bơhiàn ngai satềp bè mbar, kơnuh han sràt, giò, chả,… mờ uă phan sa ris ndai geh lơh bơh poăc sur, iar, kơnrồ ka,… Trung tá Trần Văn Tú, atbồ đah drơng broă sào sa Lữ đoàn 40, Quân đoàn 3 pà g^t: “Bodìh mò khà geh ai, mpồl ling gam tă bơh kes priă mpồl ling là 75 rơbô priă ai tàm broă bơtơl sào sa tai, tơl niam rài kis cau ling in. Mờ đah drơng broă sào sa geh bơyai lơh pơlòng ai khà mbar niam, bơkah cau ling in wă rò satềp. Đah drơng broă sào sa bơyai sền mờ ai khà pơlòng pơn jờng tàm broă lơh jăt kơnòl wă rò satềp”.

Mờ broă rơcang nền nòn, satềp nam do, rơlao 300 nă kuang bàng, cau ling tàm Lữ đoàn 40, Quân đoàn 3 geh satềp chờ hờp, niam ờ do ờ dă, tềm pềr, sùm rơcang lài tam lơh, sền gàr bơta lơngăp lơngai tàm tiah geh pôs ling ơm lơh broă.

       Cau cih mờ yal tơng^t Ndong Brawl