VOV4.K’ho - Trồ prang dờng ngan tàm 18 nam do, hơ\ là bơta gơbàn tàm ală càr Tây Nguyên tàm kàl prang do. Mìng is tàm càr Dak Lak, tus tu\ do neh geh g^t nđờ 10 rơbô lồ ù tam phan ờ tơl dà, broă ờ tơl dà ngui sa kung gơbàn tàm uă [òn. Gah lơh sa suơn sre bal mờ gơnoar atbồ càr Dak Lak gam lơh ngan ai jơh pràn kờ` sơndră mờ trồ prang, gàr niam broă lơh sa kung bè rài kis làng bol tềng đăp mờ ală kal ke bơh trồ tiah dê. Cau ai tơng^t jơnau đơs Việt Nam tàm Tây Nguyên lùp ồng Nguyễn Hoài Dương, kuang atbồ gah lơh sa mờ tơnguh bơtàu [òn lơgar càr Dak Lak bè bơta trồ prang tàm càr Dak Lak bal mờ ală broă lơh geh ai tơl^k tàm tơngai tus.

- Ơ ồng, ồng gơtùi pà g^t bè trồ prang gam lơh aniai bè lơi tus mờ rài kis bal mờ broă lơh sa làng bol tàm càr Dak Lak dê?

Ồng Nguyễn Hoài Dương: Tàm càr Dak Lak kờp tus tu\ do geh di pơgăp 20 rơbô lồ phan tam gơtìp trồ prang lơh aniai. Kờp jơh hoàc huơr di gơlan tus 500 tơmàn priă. Mìng is tus mờ dà ngui sa, tus tu\ do geh di pơgăp rơlao 13 rơbô hìu gơtìp ờ tơl dà ngui sa. Tu\ do, neh tus 120 nơm tơnao dơng dà gơtìp soăt mờ di gơan geh ờ uă tơnao dơng dà gơtìp soăt dà di gơlan tus 50% khà ală tơnao dơng dà tàm càr tàm lồi nhai 3 do. Tàm tu\ ală dà dờng bè Krông Ana, Krông Bông, Krông Buk kung gơtìp soăt dà lơh kal ke tus mờ broă [ồm dà kung bè dong klàs trồ prang tàm càr.

- Bè hơ\, di lah pơndrờm mờ tu\ do nam lài den khà hoàc huơr nam do là bè lơi, mờ càr neh geh ală broă lơh lơi kờ` bơsong bơta tu\ do, ơ ồng?

Ồng Nguyễn Hoài Dương: Bu\ lah geh uă broă lơh niam, mơya trồ prang mờ hoàc huơr gam geh uă ngan rơlao mờ nam lài. Bè khà bă ù tam phan gơtìp prồ prang lơh aniai, kờp tus tu\ do neh geh di pơgăp 20 rơbô lồ, bè nam lài tàm tu\ do mìng rơ\p geh di pơgăp 13 rơbô lồ, dà ngui sa tàm tu\ do neh geh mờr 1 rơbô hìu ờ tơl dà, mơya tu\ do geh di pơgăp rơlao 13 rơbô hìu. Gơtùi đơs, nam do là 1 nam kal ke ngan.

Anih duh broă làng bol càr Dak Lak neh sồr mờ gah lơh sa suơn sre kung neh geh broă pơgồp bal mờ ală kơnhoàl lơh jăt uă broă lơh niam bè: tơnguh `hoa bơtơ\t lìu dà kờ` tơnguh khà dà geh prăp, toah wàs rơbòng dà tàm ală tiah ai dà kờ` geh dà hòr niam, bơ\t ală bơtơ\t kờ` prăp dà. Crăp tai ală anih [ồm dà ntrờn kờ` [ồm dà bơh tàm ală dà dờng, dà croh kờ` sơndră mờ trồ prang bè tàm kơnhoàl Lak, Krông Bông, Krông Ana, Cư\ Kuin… mờ tờ, khoàng tơlung dà kờ` geh dà ngui sa. Mơya, jăt jơnau yal lài tus lồi nhai 5 nam do hơ\ sồng geh mìu, den do là 1 broă gơtìp kal ke ngan lơh aniai uă ngan tus mờ broă lơh sa kung bè rài kis làng bol dê.

- Pa do, kuang gơs…geh dong kờl priă ai ală càr gơbàn hoàc huơr tài trồ prang lơh aniai. Càr Dak Lak kung geh dong kờl, bè hơ\ khà priă do càr Dak Lak neh geh rơndăp broă tam pà mùl màl bè lơi lah ờ, ơ ồng?

Ồng Nguyễn Hoài Dương: Mùl màl khà priă do là khà priă bol a` neh dan bơh tàm kàl mìu nam lài, mơya pa do Kuang gơs gơnăp gơnoar atbồ hờ đang rơlao jơh dà lơgar pa tơl^k kơrnoăt bơtơl càr Dak Lak in là rơlao 22 tơmàn priă. Do là khà priă ờ uă ngan jăt mờ broă kờ` càr dê. Mờ khà priă kờ` sơndră mờ trồ prang nam do, kờp jơh khà priă càr dan bơh Dà lơgar ai pal tus di pơgăp 160 tơmàn priă jă broă kờ` bơh ală kơnhoàl dê. Mơya tu\ do, dà lơgar kung gam sền, tus do bol a` kung geh pơgồp bal mờ gah priă jền càr Dak Lak mờ ală kơnhoàl ală gah lơh broă kờ` gờ` tam pà priă ai ală kơnhoàl in.

- Bơdìh mờ ală broă sơndră mờ trồ prang tềng đăp măt bè tu\ do, den broă lơh jo\ jòng càr Dak Lak kung gam pal geh broă lơh kờ` di pal mờ broă ờ tơl dà pah tu\ kàl prang tus. Bè hơ\, càr Dak Lak neh geh rơndăp broă lơh jo\ jòng tus mờ broă do lah ờ, ơ ồng?

Ồng Nguyễn Hoài Dương: Gah lơh sa suơn sre gam lơh rơndăp broă lơh niam wơl broă lơh sa suơn sre, tam gơl ờ uă phan tam geh cồng nha bè broă lơh sa mơya ngui dà ờ uă rơlao, ai tơl^k ală broă lơh kờ` lơh jăt broă tuh dà tềm pềr. Bol a` kung lơh uă broă lơh tàm ală kơnhoàl bè: Ea H’Leo, Cư\ Mgar, Cư\ Kuin…pa do pà go\ cồng nha geh niam. Làng bol gơtùi tềm pềr tus 30% tàm tu\ cồng nha phan tam gam geh uă. Tus do, bol a` kung dan mờ Gơnoar atbồ lơgar bal mờ ală gah, mpồl lơh broă dà lơgar gờ` tơl^k ală kơrnoăt broă lơh kờ` dong kờl làng bol tàm broă tam gơl broă lơh sa suơn sre. Dơ\ 2 tai là bol a` kung hòi jà ală anih lơh sa kă bro bơcri priă lơh pơgồp bal mờ ală mpồl lơh sa bal, ală mpồl lơh broă bal, ală hìu làng bol kờ` lơh jăt ală broă ngui phan lơh broă pa tàm broă lơh sa suơn sre, tàm hơ\ broă tuh dà tềm pềr geh ai là 1 broă lơh kuơ màng ngan tàm tơngai tus.

- Ơi, dan ưn ngài ồng!

        Cau cih mờ yal tơng^t Ndong Brawl