VOV4.K’ho- Mho ngai 7/12, tàm pơrjum dơ\ 11, Hội đồng Nhân dân càr Kon Tum khoá 11, tơngai lơh broă bơh nam 2016-2021 lơh jat broă lơh lùp mờ hơ jơnau lùp. Bơta lơh tìs Adat Brê bơnơm mờ bơta ờ jơh nùs atbồ  tàm gah lơh kòn gùng, lơh sa kă bro ù tiah hìu đam là 2 tơngume geh ală cau ala mat sền gròi uă ngan.

Dùl dơ\ mus kơl brê tàm kơnhoàl Kon Plông

Pơlam khà kờp bơh bồ nam tus tu\ do, tàm ù tiah càr dê sền go\ 305 dơ\ lơh tìs adat boh lam brê bơ nơm dê, mus kơl rlau 1 rơbô khối dơm chi, bă brê gơtìp hoàc huơr 41 lồ, Kuang bàng Dương Thị Thu Thủy, Mpồl kuang bàng ala mat kơnhoàl Đăk Tô geh jơnau lùp: geh halà ờ broă ờ jơh nùs atbồ, gơ gơs jơnau duh hồl lơh cau te\ khà mờ làng bol ờ suk ơm tiah?

Bơta kuơ màng, tăc bro ù ua\ ngan tàm Rơndap broă lơh Tiah drà đah Jum Đăk Bla

Ai kuang bàng Thái Văn Ngọc, Mpồl kuang bàng ala mat kơnhoàl Kon Rẫy đơs bơta geh ngan, gah broă atbồ lơh sa ù tiah hìu đam gam  tơng go\ ua\ bơta ờ pràn, kal ke, lơh drà kă bro ù tiah pơ hìn geh ua\ bơta kal ke mờ lơh hoàc huơr priă dia ai kes priă Dà lơgar in. Bơta pal kơlôi sơnơng ngan là jơh bal 2,3 nă kuang bàng, công chức, viên chức Dà lơgar tus bal tàm broă lơh kòn gùng,  lơh sa kă bro ù tiah hìu đam.

Cau mblàng K’ Hạnh