VOV4.K’ho - Pa do, anih duh broă làng bol, anih duh broă làng bol càr Lâm Đồng neh geh sră nggal sồr gah dơlam is mờ gah bơto bơtê mờ bơsram càr rơwah tơmu\t tơn Ma Hiêng, kòn cau Cruru, pa jơh bơsram tàm hìu bơsram dờng Dà Làc, mu\t lơh broă tàm hìu bơsram kai 3 kòn cau càr Lâm Đồng dê. Kơrnoăt do bơh gơnoar atbồ càr Lâm Đồng pà go\ geh broă lơh di pal ai tus cau bơsram dờng kòn cau tu\ neh jơh bơsram tàm hìu bơsram dờng geh cồng nha jăk. Do kung là bơta niam mờ să tòm Ma Hiêng đơs is, cau bơsram dờng kòn cau càr Lâm Đồng đơs bal, geh tơnơ\ mờ ală nam, nhai lơh ngan sơlèt mờ kal ke bơh tàm ală kai bơsram tàm hìu bơsram dờng. lài mờ hơ\ Ma Hiêng neh pơlòng tơl khà tàm khốc C, hìu bơsram dờng Dà Làc, kàl pơlòng bơsram nam 2011 mờ jơh bơsram geh khà jăk nam 2015 do.

Ma Hiêng kis bơh dềt tus dờng tàm 1 hìu nhă rơ[ah, ntum Tà Năng, kơnhoàl Đức Trọng, càr Lâm Đồng, mờ là 1 tàm 5 nă oh mờ mi tàm hìu nhă tòm geh lòt bơsram tus gùng tus dà. G^t tus mờ broă geh ai niam do, tàm 12 nam bơsram tàm ală kai bơsram, Ma Hiêng ndrờm geh khà bơsram jăk. Nam bơsram ơdu\ 12, oh geh khà 3 kơnòm bơsram jăk môn Lịch sử khà kơnă càr, khà pơn jờng môn văn ai kơnòm bơsram ală hìu bơsram kòn cau gùt lơgar. Bơdìh hơ\ tai, Ma Hiêng gam lơh kuang atbồ đơng lam mpồl ơruh pơnu ơdu\ bơsram, kuang geh jơng tàm mpồl duh broă sùm mpồl đơng lam mpồl ơruh pơnu hìu bơsram.

Pơn jăt mờ hơ\, nam 2011, Ma Hiêng neh lơh geh bơta chờ tus mờ làng bol kòn cau Curu kis tàm càr Lâm Đồng in tu\ geh gơs là kòn cau Curu sơnrờp ngan geh khà jăk pơlòng khối C tàm hìu bơsram dờng Dà Làc. Mờ cồng nha jăk chài do, Ma Hiêng mhar geh dờp broă sền gròi bơh kuang bàng đơng lam càr Lâm Đồng mờ geh 1 khà priă bơsram jơh 4 nam bơsram. Ma Hiêng yal: “Tơnơ\ mờ tu\ tus pơlòng mu\t bơsram tàm hìu bơsram dờng rê, oh jăt cau tàm [òn mù tus tàm ntum Ma Nới, kơnhoàl Ninh Sơn, càr Ninh Thuận lòt p^c khoah ơpah. Tàm hơ\, ờ gơtùi ngui điện thoại den tàng oh ờ g^t bơta lơi. Tus tàm tu\ 1 mpồl cau lơh [ăo tus jòi oh hơ\ sồng oh g^t là oh neh tơl khà mu\t bơsram tàm hìu bơsram dờng”.

Jăt Ma Hiêng yal, broă là cau geh khà pơlòng jăk ngan tàm dơ\ pơlòng mu\t bơsram tàm hìu bơsram dờng, geh càr pà khà priă bơsram jơh tơn, bu\ lah là pơn yờ să ngan, mơya kung lơh kal ke ngan sơl, den tàng oh pal lơh ngan kờ` geh cồng nha bơsram jăk di pal.

Mờ nùs nhơm kơlôi sơnơng bal mờ broă lơh ngan bè hơ\, Ma Hiêng neh jơh bơsram tàm hìu bơsram dờng mờ khà bơsram jăk. Ờ mìng bè hơ\, oh gam là kuang bàng đơng lam mpồl ơruh pơnu jăk ngan, sùm lam lài tàm ală broă lơh hìu bơsram dê. Lài mờ tu\ jơh bơsram, Ma Hiêng neh geh hìu bơsram dờng Dà Làc dờng là cau bơsram 5 niam.

Kal ke dờng màng ngan tus mờ Ma Hiêng ờ di là sơlèt mờ kal ke bơsram jăk, mờ là dan broă lơh tu\ neh jơh bơsram, tàm tu\ oh jơh bơsram tàm hìu bơsram dờng di tàm tu\ gah bơto bơtê mờ bơsram càr Lâm Đồng neh jơh khà rơwah cau lơh broă.

Ma Hiêng pà g^t, tu\ hơ\ oh ờ pin dờn tai mờ neh kơlôi is là “7 nam geh hìu bơsram ai priă bơsram tàm hìu bơsramkòn cau, 4 nam geh càr ròng bơsram tàm hìu bơsram dờng, neh gơtìp hoàc huơr ngan. Di gơlan oh prăp pang sră dờp jơh bơsram tàm hìu bơsram dờng geh khà jăk do tàm tùh, rê lơh mìr, lơh sre ha là lòt p^c hoah ơpag”

Tu\ kơlôi bè hoàc huơr do, Ma Hiêng cih 1 pang sră pơyoa tus mpồl đơng lam Đảng càr Lâm Đồng, yal bè ală bơta ờ su\k ơm să tòm oh dê. Mờ kơ\p kờ` geh ai ală bơta ngăc ngar, jăk chài oh dê drơng gah bơto bơtê mờ bơsram in.

Ngai 22/7 lài do, tàm 1 dơ\ pơrjum, duh broă sùm mpồl đơng lam Đảng càr Lâm Đồng neh ai pang sră Ma Hiêng pơyoa tơl^k kờ` cri bơyai mờ ring bal ai Ma Hiêng mu\t lơh broă tàm gah bơto bơtê mờ bơsram càr. Ngai 05/8, kuang atbồ anih duh broă làng bol càr Lâm Đồng neh k^ sră jàu Gah dơlam is càr pơgồp bal mờ Gah bơto bơtê mờ bơsram càr: “Mhar lơh gơs ală sră nggal dờp (Ờ pơlòng rơwah) mờ ai Ma Hiêng mu\t bơto tàm hìu bơsram kai 3 kòn cau càr lài mờ tơngai mu\t bơsram nam bơsram 2015-2016”.

Cèng pang sră neh geh kuang atbồ anih duh broă làng bol càr Lâm Đồng k^ tàm tê, Ma Hiêng đơs: “Oh neh ờ pin dờn mơya oh geh nùs nhơm pin dờn, mờ nùs nhơm pin dờn hơ\ neh gơs mùl màl, oh neh geh rơwah mu\t lơh broă tàm gah bơto bơtê mờ bơsram di mờ jơnau kơ\p kờ` oh dê. Mơya do mìng rơ\p sơnrờp. Oh gam pal pơn jăt tai sơlèt mờ kal ke kờ` gơs 1 nă cau pơgru bơto jăk, bơsal wơl tus mờ nùs nhơm pin dờn bơh ală cau pơgru dê, bơh hìu nhă dê, bal mờ broă g^t jơnau bơh kuang bàng đơng lam Đảng mờ Gơnoar atbồ càr dê”.

Cau mblàng Ndong Brawl