VOV4.K’ho – Ma Hồng, kòn cau K’ho ơm tàm [òn Ka Đô pa 2, xã Ka Đô, kơnhoàl Đơn Dương, càr Lâm Đồng là cau ùr lơh geh cồng nha mờ broă ròng kơnrồ dà toh. Bi ùr là cau kòn cau sơn rờp tàm xã mut lơh broă ròng phan mờ tam tiêu geh cồng nha:

Lài do, hìu nhă bi ùr Ma Hồng kung bè git nđờ hìu nhă ndai tam xã, tam biap, lơh sre mờ ròng kơnrồ lơh poac. Tơnơ\ hơ\, go\ ală hìu nhă ròng kơnrồ dà toh geh priă sùm pah ngai, geh cồng nha rlau mờ ròng kơn rồ lơh poac ờs mờng, bi ùr neh tam gơl ròng kơnrồ dà toh. Jòi git bè bơta chài ròng kơn rồ dà toh, nam 2014, bi ùr Ma Hồng neh khin cha càn priă bơh Anih priă jền Nông nghiệp mờ Phát triển nông thôn kơnhoàl dê 600 tơlak priă nàng lơh priă bơcri ròng kơn rồ dà toh. Mờ 6 nơm kơnrồ dà toh bơh sơn rờp, tơnơ\ 2 nam sền gròi, mpồl kơnrồ dà toh bi ùr dê tus tu\ do neh geh 12 nơm, tàm hơ\ geh 6 nơm neh gơtùi pat dà toh. Kờp bal pah ngai tac Kong ti Vinamilk in mờr 100 lít dà toh, mờ khà priă bơh 10 tus 14 rbô, pah nhai, bi ùr geh mờr 30 tơlak priă. Cồng nha bi ùr dê tus bơh ală nùs nhơm khin tam dră mờ bơta lòng, jòi git bơta chài pa. Bi ùr Ma Hồng yal: “Tu\ a` ròng kơnrồ den a` ờ suk ngan, tài priă bơcri bơh sơn rờp uă ir mờ kờ` ròng kơnrồ nàng lik klàs r[ah. Ròng mờ sền gròi kơn rồ neh kal ke, tus tu\ pat ai dà toh den ngòt ờ geh anih lơi nàng tac. Geh gơnoar atbồ tàm [òn lơgar dong kờl mờ đah Hội tam klac xã Ka Đô tus bal dong lơh sră pơrgon blơi dà toh mờ Kong ti dà toh Vinamilk. Bơh hơ\ den hơ\ sồng a` jơh ờ suk, iang nùs ròng kơnrồ gơ in niam, nàng dà toh geh bơta niam ngan rlau jơh.”

Kờ` ròng geh mpồl kơnrồ lơmă, pràn kơldang, dà toh geh bơta niam mờ ai cồng nha lơh geh uă, bi ùr neh ngai sơlơ bơsram bơh ală hìu nhă geh mờng chài ròng jo\ nam; jơh nùs tus bal ơdu\ bơto pơlam bơh Hội nông dân xã bơyai lơh; jòi git tàm ală anih yal jơnau tơngit bè tivi, sră [au\... Kơnờm git sền gròi niam den tàng mpồl kơnrồ bi ùr dê ờ huan gơbàn kòp, ai dà toh uă ngan.

Go\ cồng nha bơh mut ngui bơta chài tàm broă lơh sa, bi ùr khin cha tam gơl 1 lồ 8 sàu ù tam phan lơyah ngai nàng tam tiêu. Bơh sơn rờp, tàm nam 2010, bi ùr mìng tam 200 `jrong tiêu. Pah nam, bi ùr tam tai git nđờ `jrong tiêu pa. Tus tu\ do neh geh rlau 1 rbô `jrong tiêu, tàm hơ\ mờr 600 `jrong tiêu neh gơnhàu. Kơnờm sơngka sền gàr di mờ jơnau pơlam, tờm tiêu sùm gơs tơlir niam ngan. Bi ùr Ma Hồng pà git:“Tàm tơngai tus, a` kung gam ròng kơnrồ dà toh mờ tam tai tiêu. A` ờ tam biap tai. A` go\ broă ròng phan mờ tam tiêu do tu\ lơh ờ roh uă tu\ tơngai mờ dong hìu nhă geh priă jền pah ngai, gàr tơl niam rài kis.”

Bơh bơta tryang tryồng ờ ngòt kal ke mờ kờ` bơsram đòm jat mờ bi ùr Ma Hồng neh geh cồng nha mờ broă ròng phan pơgồp bal mờ tam phan, kung là dùl tàm ală hìu nhă lài ngan tam gơl tam chi jo\ nam, rềp mềl mờ tờm tiêu. Bi Nguyễn Hữu Tài – Phó Chủ tịch Hội Nông dân xã Ka Đô pà git: “Ma Hồng khin cha mut lơh broă lơh ròng kơnrồ dà toh, tam gơl chi tam phan ròng. Jat broă lơh bơtàu tơnguh kơnrồ dà toh xã dê den do là broă lơh geh cồng nha ngan rlau jơh. Tài tàm tu\ tam gơl làng bol ờ hềt geh pơlam, ờ hềt geh bơsram mơya neh khin cha mut lơh. Kuơ màng rlau là bi ùr lơh ngan bơsram, đòm jat, bi ùr jơh nùs mờ broă ròng kơnrồ dà toh mờ tam tiêu. Lời tu\ tơngai bơcri kung bè jơh nùs ngan, den tàng cồng nha bi ùr lơh geh tu\ do là dờng ngan.”

Uă nam sùm, bi ùr Ma Hồng là dùl tàm ală cau tàm mpồl cau ùr geh pơn rơ ngan tàm srơh ròng pràn jak bơh xã Ka Đô dê. Ờ mìng lơh pas să tờm in, bi ùr gam mblàng mờng chài ai ală oh mi cau ùr tàm [òn in, jơh nùs tus bal ală srơh bơh mpồl cau ùr dê, dong oh mi cau ùr bơtàu tơnguh lơh sa. Đơs bè bi ùr Ma Hồng, ồng K’Đim, Phó Chủ tịch Hội Nông dân kơnhoàl Đơn Dương pà git:“Bi ùr Ma Hồng là cau geh bơngă pin dờn tàm tiah làng bol kòn cau mờ lơh jat ală nghị quyết Đảng dê. Bi ùr là cau lam lài tàm broă jơh nùs tus bal lơh broă lơh sa. Bi ùr Ma Hồng kung là cau geh gơ rềng nàng ală oh mi cau ùr tàm [òn lơgar in đòm jat, bơh hơ\ chul chồl lơh sa tiah làng bol kòn cau bơtàu tơnguh.”

Nam 2016, bi ùr Ma Hồng là dùl tàm ală cau ùr kòn cau geh jờng rơ tàm srơh pơr lòng kờ` gơboh dà lơgar bơh kơnhoàl Đơn Dương, càr Lâm Đồng dê.

Nam pa tus, dan nting sap bi ùr, bal mờ oh mi cau ùr K’ho geh cồng nha rlau, kơ\ nùs đơs tờm bơngă he dê tàm rài kis pa nàng [òn lơgar Tây Nguyên ngai sơlơ bơtàu tơnguh.

                                     Cau cih mờ yal tơnggit K’ Duẩn.