VOV4.K’ho – “Nhơt mỹ” là dùl bơta ma túy pa gam gơ mut tàm ală càr Tây Nguyên. Bulah gơbàn aniai gơ lời wơl tu\ ngui ma tuý do là dờng ngan, mơya bơh bơta git wă gam ờ hềt uă mờ broă kă bro [uơn [ùai den tàng gơ geh gơlik mhar ngan tàm tiah do, geh uă ngan cau ngui là cau kơ nòm să. Tàm càr Gialai, kuang àng pa do neh sùm kùp ală cau kă bro ma tuý do bơh tiah ndai rê tac tàm do:

Trương Minh Vân, 34 sơnam, ơm tàm sơnah [òn Hoa Lư, [òn dờng Pleiku gơtìp mpồl Cảnh sát lùp khàu kuang àng [òn dờng Pleiku, càr Gialai lah yă mờ kup jàm ing bè tìs prap ơn, kă bro tìs mờ kơrnuat boh lam ma tuý. Ma túy mờ Vân prap ơn, kă bro gơlơh bè lề nha ro sùm geh hòi là “nhơt mỹ”. Jat jơnau yal bơh Vân dê, sền go\ jơnau kờ` cau kơ nòm să dê ngui “nhơt mỹ” ngai sơlơ uă, den tàng lòt blơi nàng tac kờ` geh priă cồng. Tu\ Vân gơtìp kup, mpồl kuang àng neh kup 19 kơldung “nhơt mỹ” kơn jơ\ mờr 52 gram. Trương Minh Vân đơs: “A` geh bơ yô yal mut tàm Sài Gòn, mut tàm hơ\ blơi nhơt nàng tac kờ` geh priă cồng. Pa rơp tac geh dùl dơ\ den gơtìp Kuang àng [òn dờng Pleiku kup. A` ờ git do là ma tuý.”

Bơta ờ suk là ma tuý “nhơt mỹ” geh tac dùl bă tràl sơbil mờ kờ` blơi kung [uơn ngan. Tàm facebook, uă ngan tài khoản geh bơngă bè anih tac nhơt mỹ lơh broă uă bal mờ khà cau blơi uă ngan. Broă tac mờ blơi geh mut lơh tơn tàm pang internet tac phan.

Pa do, mpồl kuang àng neh kup Phùng Văn Chúc, 24 sơnam, ơm tàm [òn dờng Pleiku bè tìs prap ơn, kă bro “nhơt mỹ” mờ 25 kơldung, kơn jơ\ mờr 60 gram. Tàm anih lùp khàu, Chúc yal, khà ma tuý do blơi bơh dùl nă cau ờ git mat sơnđan, anih ơm kis tàm [òn dờng Hồ Chí Minh bơh tàm facebook. Tơ nơ\ hơ\, khà ma tuý do geh pơyua tàm rơndeh nac, Chúc lòt ai hơ\ sồng cèng rê prap mờ tam cah gơs kơldung dềt tac ală cau kờ` ngui in. Bơta pal đơs là Chúc kung git loh bơta aniai bơh bơta ma tuý “nhơt mỹ” dê mơya tài hàm priă den tàng ờ ngòt, lơh broă tìs mờ kơrnuat boh lam. Phùng Văn Chúc đơs: “Go\ bơ yô ai sră trà pồt gơ lơh bè ding tròc dà, ơn nhơt tàm hơ\, hơ\ sồng chu bè ìu lào. Jơh chu den go\ bol hơ\ `ggui mo\, hơ\ sồng `o\, ờ gam git bơta lơi tai. A` quèng nđờ nă cau ngui ma tuý bè nhơt do den tàng a` mut tàm internet jòi den go\ geh cau tac tàm Sài Gòn, hơ\ sồng a` pơyua priă blơi nàng khi pơyua ma tuý rê. Tơ nơ\ hơ\ a` tam cah gơs kơldung dềt tac ală cau ngui in nàng geh priă cồng.”

Phùng Văn Chúc mờ “Nhơt mỹ” gơtìp kup bàn

Jat Đại uý Trần Quốc Hoàn, atbồ mpồl cảnh sát lùp khàu cau tìs b è ma tuý, Kuang bàng [òn dờng Pleiku, càr Gialai, yal tơnggit ờ ngan, lơh gơs bơta sơ nơng niam ờ do ờ dă bè bơta ma tuý do, là dùl tàm ală kai mờ bol tìs ngui nàng pơn dờm cau kơ nòm să, lơh ma tuý “nhơt mỹ” gơ rề mhar ngan tàm mpồl bơtiàn. Đại uý Trần Quốc Hoàn đơs: “Bè git wă mờ kai bơh ală bol tac ma tuý tàm [òn dờng tu\ do den khi đơs là ma tuý nhơt mỹ ờ di là ma tuý, mờ gơ pơr lồm jat ală kai pơn yơu bè jràu chu [ô thồm nàng tac. Mờ bơh hơ\ lơh ơruh pơnu kờ` git, kờ` ngui. Mơya mùl màl den gơ ngòt rơ ngơt ngan, gơ lơh gơbàn ală bơta chul tàm să pràn ngan bè bồ tơ ngoh, lơh gơbàn ờ pràn plai nùs, ờ pràn klờm soh, geh tu\ là ờ pràn leh.”

Dùl ròt mat Facebook bè anih tac nhơt mỹ tàm internet

Yal tac nhơt mỹ tàm facebook

Tài ală aniai ờ gơtùi kờp du\ lài tus mờ pràn kơldang să  jan kòn bơnus, Chính phủ neh tơlik Nghị định sồ 126 nam 2015, bơ tơl nhơt mỹ tàm mat ală bơta ma tuý mờ phan lài mờ tu\ lơh gơs ma tuý; ală broă lơh prap ơn, pơndiang, kă bro tìs mờ kơrnuat boh lam geh gơtìp lơh glài kup màng bè broă lơh prap ơn, pơndiang, kă bro cần sa. Làng bol, ngan là ơruh pơnu pal rơcang ngac, pleh gơtìp pơn dờm, pơn jồ ngui tơ nơ\ do gơbàn ală jơnau gơ lời wơl jo\ jòng.

         Cau cih mờ yal tơnggit K’Duẩn