VOV4.K’ho – Dơ\ mít tinh lơh jat Nhai lơh broă rơcang sơndră ma tuý mờ Ngai gùt làng bol rơcang sơndră ma tuý pa geh Bộ Kuang àng pơgồp bal mờ UBND càr Nghệ An bơyai lơh poh lài mờ jơnau đơs kờ` pơyua nam do dê là “Sơ nơng te\ lài mờ tu\ sơn đờm”. Jơnau đơs do kung đơs là, broă lơh rơcang sơndră ma tuý ờ mìng tàm ngai lam lơh, mờ pal là broă lơh sùm geh bơta at tê bal bơh tơl gah broă lơh mờ gùt mpồl bơtìan dê.

Jat Thượng tướng Lê Quý Vương, Thứ trưởng Bộ Kuang àng đơs, bơta cau tìs mờ tìs ma tuý tàm lơgar he kung gam gơlik geh kal ke mờ uă ngan, khà ma tuý bơh lơgar ndai pơndiang ntrờ` mut tàm lơgar he gam uă, khà cau ngir kung gam pơn jat tai gơguh uă, khà cau neh gơtùi tơn jơh ngir mơya ngir wơl gam uă. Ngan là rềp ndo, geh bơta khà cau ngir, cau ngui ma tuý lòt lềng làng tàm mpồl bơtiàn, lơh gơlik ală broă lơh tìs adat boh lam mờ lơh tìs, lơh gơbàn ờ suk tàm làng bol.

                                      Phó Thủ tướng, ồng Vũ Đức Đam đơs tàm dơ\ pơrjum

Mìng kờp is 6 nhai bồ nam 2019, mpồl kuang àng gùt lơgar mờ ală mpồl lơh broă geh gơnoar neh pơgồp bal kơryan mờr 12 rbô 300 broă lơh tìs,  kup mờr 19 rbô 500 nă cau tìs, kup 675 ki\ heroin, 507 ki\ ketamine, 4 tấn 625 ki\ ma tuý bơrlu\ bal mờ 131 ki\ cocaine. Neh sền go\, kup geh uă mpồl kă bro ma tuý gan ală lơgar, kup geh uă ngan ma tuý, kup ală cau atbồ geh ală mpồl rơcang sơndră ma tuý tàm dunia cih dờp mờ đơs niam. Thượng tướng Lê Quý Vương đơs:

Nàng tơrmù tìs ma tuý, sồr kấp ủy Đảng, gơnoar atbồ ală kấp mờ gùt làng bol pal geh nùs nhơm lơh ngan uă, jơh nùs pơgồp bal ring bal đah ală mpồl lơh broă, ală mpồl cau, jơh nùs rơcang sơndră, ờ lời gơguh uă khà cau pa ngir, tơnguh niam broă lơh rơcang sơndră cau tìs mờ bơyai lơh tơn jơh ngir lơh pràn wơl, dong kờl kis gơ rờm wơl mờ [òn lơgar ai cau ngir ma tuý in.

Thứ trưởng Bộ Kuang àng, ồng Lê Quý Vương kung đơs là, ma tuý mờ cau tìs ma tuý gam gơ gơs là bơta sền gròi uă ngan bơh dunia mờ gùt mpồl bơtìan dê. Jơnau gơ lời wơl bơh tìs ma tuý dê là kơn jơ\ kơn jut ngan bè priă jền, chính trị, mpồl bơtiàn, lơh aniai uă ngan tus rài kis ring lơngai, gơboh gơbài bơh làng bol dê, là jơnau lơh gơlik cau tìs, lơh ờ niam nùs nhơm, lơh aniai tus bơta kuơ rài kis, bơhìan niam bơne\ bơh jơi bơtìan dê.

Mpồl đơng lam rơcang sơndră cau tìs ma tuý mờ bơt bơtàu srơh Gùt làng bol sền gàr ngap lơngai dà lơgar ală kấp, ală gah broă lơh, ală tiah pal đơng lam ală mpồl lơh broă, pơgồp bal mờ jơnau đơs ai broă rơcang sơndră là tờm, kơryan, ờ lời gơlik tai cau pa ngir. Mơkung sền gròi, sơlơ lơh pràn ală broă lơh mblàng yal, bơ to bơtê bè rơcang sơndră ma tuý ai tơl rơnàng làng bol in, tàm hơ\ sền gròi mblàng yal ai ơruh pơnu, kơnòm pa tàu, kơnòm bơsram, cau bơsram dờng mờ ală cau [uơn gơtìp aniai in tài bơh tìs ma tuý. Broă lơh geh uă tiah ai tơlik là pal lơh gơlik bơta ringbal mờ bơta pràn bơh mpồl bơtìan dê tus bal rơcang sơndră cau tìs ma tuý; hời rơ hời lơh gơs sră nggal pơlam lơh jat adat boh lam bè rơcang sơndră ma tuý.

Mìng is gơwèt mờ càr Nghệ An, Bí thư Tỉnh ủy, ồng Nguyễn Đắc Vinh pà git, tu\ do, Nghệ An kung gam là dùl tàm ală càr geh Chính phủ mờ Bộ Kuang àng đơs là tiah kal ke bè ma tuý:

A` hòi jà tơl nă làng bol pơn jat tai tơnguh jơnau git wă bè rềs àr ma tuý; ba` tus bal mờ jơh nùs dră wơl, yă cau tìs mờ tìs ma tuý. Ală rơnàng ồng mò, mè bèp, cau pơgru là ală krơh àng te\ nàng bơto bơtê, pơlam gùng nàng ală kòn, ală kơnòm bơsram in git mờ pleh ngài ma tuý. Ală cau neh mờ gam là cau di\ bơh ma tuý dê, ngac ngar te\ mờ sang te\ ma tuý, gơ gơs là cau geh kuơ mpồl bơtiàn in. Kuơ màng, a` pin dờn mờ kơp kờ`, gơ wèt mờ ală ơruh pơnu, kơnòm pa tàu – là ală cau tờm tơnơ\ do bơh dà lơgar mờ càr dê, mờ bơta git wă, nùs nhơm mờ bơta ngac ngar, geh pleh ngài tơl bơta pơn dờm bơh tìs ma tuý dê.

Đơs đơng lam tàm dơ\ lơh mít tinh lơh jat Nhai lơh broă rơcang sơndră ma tuý mờ Ngai gùt làng bol rơcang sơndră ma tuý nam do, Phó Thủ tướng Chính phủ, ồng Vũ Đức Đam pà git, tàm dunia tu\ do geh rlau 275 tơlak nă cau gam ngui mờ gơ wèt tàm ma tuý. Khà ma tuý gam geh lơh gơlik, kă bro ngai sơlơ gơguh uă. Tàm lơgar he dê, kung gam rlau 230 rbô nă cau ngui ma tuý geh sră nggal atbồ, ai khà mùl màl den digơlan gam uă rlau mờ hơ\ tai:

Bol he pal pơn jat tai lơh niam rlau tai broă lơh rơcang sơndră cau tìs ma tuý, kơryan ală mpồl tac ma tuý. Pal pơn jat tai lơh niam broă tơn jơh ngir ma tuý, kis gơ rờm bal, dong tơl nă cau neh ngir den kis gơ rờm bal mờ mpồl bơtiàn mờ ngan là bol he pal sơlơ tơnguh rlau tai broă đơs lài, mblàng yal, bơ to bơtê nàng lơh ngan ờ geh cau pa ngir ma tuý.

Jơnau đơs “Sơ nơng te\ lài mờ tu\ sơn đờm” geh pơrya niam ngan, kờ` tơngkah ală cau kơnòm să, sơ nơng nền nòn te\ tềng đap bơta pơn jồ bơh ma tuý dê,t ài mìng 1 dơ\ ngui tơr lòng lơm là ờ geh gùng nàng rê wơl tai. Ma tuý kung gam là bơta aniai dờng ngan, sồr jơh ală gah lơh broă, ală kấp mờ gùt mpồl bơtiàn pal 1 nùs bal lơh broă geh cồng nha rlau, jơh nùs rlau.

Cau mblàng K’Duẩn