VOV4.K’ho – Jat cơldu\ lơh broă Mpồl đơng lam rơcang sơndră trồ tiah lơh aniai kơnhoàl Mang Yang, càr Gialai, tài khà mìu tàm kơnhoàl neh gơmù, dà ko\ dà cò tàm dà dờng Ayun kung hời rơhời gơ hoài soat. Bơh gùl mang 13/9, gùng càr 666, gơl gùng mìng dùl lơm bơh 5 ntum tiah đah mattơngai lik lòt tus kơnhoàl geh Lơ Pang, Kon Thụp, Đê A, Kon Chiêng mờ Đak Trôi neh gơtùi lòt wơl, git nđờ rbô hìu nhă làng bol tàm tiah do neh lik klàs bơh bơta tam cah is. Mơya, nàng ờ gơtìp mơp dơl tềng đap bơta dà ko\ dà cò gơguh tih nisơna, kơnhoàl Mang yang neh sồr ală ntum kềng gah dà dờng, sồr cau sền gròi tàm ală bă tiah kuơ màng, sền gròi dà ko\ dà cò, mhar geh jơnau đơs lài nàng gàr niam ờ do ờ dă làng bol in.

                  Cau cih mờ yal tơnggit K’ Duẩn.