VOV4.K’ho - Drim òr (03/7), Uỷ ban mặt trận dà lơgar Việt Nam bơyai lơh pơrjum tơn jơh ing broă lơh đah mặt trận 6 nhai do mờ cri bơyai jăt tơngu me: “mặt trận dà lơgar Việt Nam lam sồr gùt làng bol tus bal brồ guh mờ tơnguh bơtàu lơh sa mpồl bơtiàn dà lơgar”.

Jơnau yal bè cồng nha sền gròi broă lơh jăt ală broă dong kờl làng bol gơtìp kal ke tài kòp Covid-19, tus tu\ do ală càr, [òn dờng neh dong kờl ai mờr 8 tơlăk 500 rơbô nă cau gơwèt ală mpồl cau geh màng mờ dà lơgar, hìu nhă geh sră dong kờl, hìu rơ[ah, hìu ndrờm mờ rơ[ah, cau geh mpồl bơtiàn dong kờl mờ rơlao 7 rơbô tơmàn đong.

Đơs tàm pơrjum, Chủ tịch Uỷ ban mặt trận dà lơgar Việt Nam ồng Trần Thanh Mẫn đơs là, broă lam sồr, dờp mờ tam pà phan dong kờl broă rơcang sơndră mờ kòp gơtòp neh geh lơh nền nòn, ndrờm bal, di tu\ bơh Dà lơgar tus mờ ală càr, [òn dờng; bu\ lah bè hơ\, bơh broă lơh mùl màl lơh jăt broă bơcri priă bơh ală mpồl dờp priă gam lơyài, ờ di tu\.

Sồr tàm tơngai tus, mặt trận dà lơgar ală cấp tơmù ală kal ke mờ lơh geh cồng nha ală kơnòl neh geh ai.

Cau mblàng Ndong Brawl