VOV4.K’ho- Drim 18/11, tàm Tiah tờm pơrjum dà lơgar Mỹ Đình, Ban Chấp hành Đảng dà lơgar, Quốc hội, Chủ tịch lơgar, Chính phủ, Ủy ban Mặt trận dà lơgar Việt Nam mờ [òn dờng Hà Nội bơyai lơh tơngkah 90 nam ngai crơng gơs Mặt trận jơi bơtìan tơrgùm dùl Việt Nam – Ngai bơhìan Mặt trận dà lơgar Việt Nam (18/11) mờ dờp Huân chương Hồ Chí Minh. Tổng Bí thư, Chủ tịch lơgar, ồng Nguyễn Phú Trọng neh tus bal mờ đơs tàm dơ\ tơngkah.

Tơngkah 90 nam ngai crơng gơs Mặt trận jơi bơtìan tơrgùm dùl di tàm tu\ jơh gùt Đảng, jơh gùt làng bol he gam mờr tus pơrjum dờng cau ala mat gùt lơgar dơ\ 13 bơh Đảng dê – dùl broă chính trị dờng màng ngan, pờ gơs dùl tơngai bơtàu tơnguh pa bơh dà lơgar dê. Tổng Bí thư, Chủ tịch lơgar pin dờn Mặt trận dà lơgar ală kấp geh pơn jat tai geh ală broă lơh ngac ngar bơceh pa, tam gơl pràn kơldang, ngan ngồn, geh cồng nha rlau tai, pơgồp bơnah tơrgùm ngai sơlơ gal ală rơnàng làng bol tàm mpồl tam klac dờng jơi bơtìan; sơlơ tơnguh git gơp đềt mềr pròc mhàm đah làng bol mờ Đảng, mờ gơnoar atbồ, lơh gơlik bơta pràn dờng màng nàng bơt bơtàu dà lơgar he ngai sơlơ pràn kơldang, pas sơm, làng bol he ngai sơlơ chờ hờp, gơboh gơbài, dà lơgar he ngai sơlơ bơtàu tơnguh, pas sơm.

Cau mblàng K’Duẩn