VOV4.K’ho- Jat Ban đơng lam dà lơgar bè rcang sơndra\ trồ tiah aniai,  kờp tus mang òr (15/9), mìu càl rbut dờng sồ 10 neh lơh 4 na\ cau chơt mờ 8 na\ cau sồt sa\. Rlau 50 rbô  hìu gơbàn aniai ờ  diơng, gơ ngơr tàm dà. Ua\ hìu bơsram,  broa\ lơh  [òn lơgar gơbàn gơ pồ  rkàng,  aniai tơrlah, Dùl  jrong pờ sơndio rùp tàm thị xã Kỳ An, càr Hà Tĩnh neh gơbàn pa\, rlau 3 rbô jrong đèng gơ pờ, pa\ geh 4  ơhò gơ bu\ tàm  Quảng Ngãi, ua\ gùng bơtơt kang dà lềng tàm ala\ càr Nghệ An, Nam Định tơrlah.

Mơ tàm mang òr,  Thủ tướng Nguyễn Xuân Phúc neh tus lòt sền, lam sồr broa\ lơh geh lơh niam wơl bơh aniai mìu càl rbut dờng sồ 10 mờ mìu dờng tih dà tàm càr Quảng Bình. Ồng sồr, ba` lời làng bol gơbàn tàm bơta ờ geh  anih ơm mờ jơgloh, tơhìr. Phó Thủ tướng Trịnh Đình Dũng pơnjat tai geh lòt sền, sa\ tờm lam sồr broa\ lơh tam dra\, geh lơh niam wơl aniai bơh mìu càl mờ mìu dờng tàm càr Hà Tĩnh.

Ala\ Bộ, gah lơh broa\ geh gơ rềng bal kung geh lơh bal nền nòn ngan mờ ala\ càr tàm  broa\ lơh lam sồr, tam dra\, dong kờl, geh lơh niam wơl aniai bơh mìu càl rbut dờng  dê. Ala\ càr, [òn dờng dờng pơnjat tai geh sền jat ngan nền nòn gơbàn aniai bơh mìu càl rbut dờng sồ  1, ngan la bơta  trồ mìu tih dà, trơ gùm  mpồl  cau dong kờl làng bol geh lơh niam wơl hìu,  gàr niam broa\ ơm kis lơh sa làng bol, nhap nhar bơsong ala\ bơta bơtơt tơrlah,  geh lơh  niam wơl gùng ce đèng,  gùng ce điện thoại, khòm  ala\ tờm chi pa\,  gơ rồ, kwài ù lu\ tơrlah kờ` geh gùng lòt, lơh kloh tiah kis nàng sơndra\ kòp pluh gơbàn. Lam sồr  geh mut  đơng lam niam  tam pà dà ala\ tơnau dà hìu ma\y pờ tơlik ồs đèng, bơtơt rbòng dà, gàr niam broa\ lơh,  ba` lời gơbàn tih dà tàm tiah đah jum.

                              Cau cih mờ yal tơnggit K’ Brọp