VOV4.K’ho- Dơ\ mìu dờng jo\ jòng tàm uă tiah tàm ală ngai do neh lơh gơbàn hoàc hươr uă tàm kơnhoàl Krông Nô, càr Dăk Nông. Gơnoar ătbồ tiah do gam geh broă lơh dong kờl làng bol bơsong jơnau gơlời wơl bơh mìu dà tih dê mờ bè ờs wơl rài kis. Bè, tàm ală ngai bơh ngai 1 tus ngai 5/10, mìu dờng tàm uă tiah neh lơh gơbàn dà tih, tơrlah ù tàm uă tiah tàm kơnhoàl Krông Nô.

Mìu dờng tàm uă ngai sùm neh lơh uă rbàng lòt rê bơh làng bol dê tàm Krông Nô, Dăk Nông gơtìp tơrlah tơrlơm jơh

Jơh gùt kơnhoàl geh pơgăp 40 nơm hìu gơtìp ngơr bam jrô tàm dà; rlau 500 lồ chi tam gơtìp gơbam tàm dà; mờr 60 lồ tơnau dà ròng ka gơtìp dà lìu, lơh hoàc hươr uă ngan…3 nơm rbàng tàm 2 xã: Dăk Sôr mờ Nam Đà gơtìp dà cò pơrdô, uă gơl gùng gơtìp tơrlah, lơh kòl gùng lòt.

Ủy ban Nhân dân kơnhoàl Krông Nô kờp du\, kờp jơh hoàc hươr bơh dơ\ mìu dà tih do lơh aniai là mờr 50 tơmàn đong. Tềng đăp măt, kơnhoàl sồr, hòi tơrgùm mpồl cau nàng dong ntrờ` làng bol lik bơh ală tiah geh pơhìn gơtìp tơrlah ù uă, dong làng bol bơsong jơnau gơlời wơl bơh mìu dà tih, bè ờs wơl rài kis, bơsong bơta aniai tơrlah ù.

Cau mblàng Lơ Mu K’Yến