VOV4.K’ho- Tus mho ngai 8/10, mìu dờng tàm ală càr tiah tàm gùl lơgar neh lơh 2 nă cau chơ\t, 9 nă cau roh thi\t. 2 nă cau chơ\t tàm càr Quảng Ngãi mờ Quảng Trị. Hoàc hươr kơn jơ\ ngan rlau jơh tàm dơ\ mìu do là tàm càr Quảng Trị. 

Mpồl ling klàng càr Quảng Trị ntrờ` làng bol tàm tiah dà tih

Tu\ 7 jiơ drim do 9/10, ơhò tuah wàs rbòng dà anih ơhò ơm Cửa Việt, càr Quảng Trị gơtìp gơkram, cò pơrdô jơh 5 nă cau. Mpồl lơh broă geh gơnoar neh lòt jòi mờ dong kờl geh 3 nă cau, ai 2 nă cau gam roh thi\t.

Dà tàm ală dà dờng rlau mờ khà yal lài 3, uă xã ngơr bam jrô tàm dà, gùng lòt gơtìp gơkòl. Dà mìu uă ngan rlau jơh geh was geh tàm càr Quảng Trị là pơgăp 900 milimet. Tu\ do, uă tiah làng bol ơm kis gơ wèt ală kơnhoàl: Hải Lăng, Triệu Phong, Cam Lộ, Hướng Hoá kềng gah dà dờng Thạch Hãn, Ô Lâu, dà dờng Hiếu mờ dà dờng Sê Pôn gam ngơr bam jrô dà. Kơnhoàl Hướng Hoá neh ntrờ` mờr 1 rbô 100 hìu bơnhă làng bol bal mờ mờr 5 rbô nă cau tus tiah ơm lơngăp lơngai ờdo ờdă. Jơh gùt kơnhoàl tiah kơh bơnơm Dăkrông neh ntrờ` mờr 570 hìu bơnhă làng bol bal mờ 2 rbô 500 nă cau tàm tiah thòng tiah lơyah, tiah pơhìn uă.

          Cau mblàng Lơ Mu K’Yến