VOV4.K’ho- Tài gơrềng bơh dơ\ mìu càl rbu\t dờng sồ 12 dê, tàm 2 ngai, 9 mờ 10/11, mìu sùm tàm uă tiah tàm ală tiah tàm càr Dăk Lăk. Tu\ do, uă xã tàm càr Dăk Lăk neh gơtìp ngơr bam jrô dà tàm bàr pe tiah, gi\t nđờ rbô nă làng bol gơtìp gơkòl. Tu\ do, gùng lòt bơh gùng rơndeh 26 tus tàm xã Cư San, kơnhoàl M’Drăk, càr Dăk Lăk neh ờ gơtùi lòt rê tai. Ală thôn: 9, 10, 11 mờ rlau 1 rbô nă làng bol, gơ wèt tiah dơlam tơnau dà Krông Pach Thượng, xã Cư San kung gơtìp kòl sơl tài bơh dà tàm dơlam tơnau dà tih ngơr ngan.

Rềp bal mờ xã Cư San, xã Cư Drăm, kơnhoàl Krông Bông kung gơtìp gơrềng bơh mìu càl rbu\t dờng sồ 12 dê sơl, dà tih dờng ngan. Bal mờ dong kờl làng bol ntrờ` tus tiah ờdo ờdă, mpồl lơh broă geh gơnoar bơh 2 kơnhoàl Krông Bông mờ M’Drăk dê neh drơng sền tàm ală anih gơtìp ngơr bam dà tàm ală gơl gùng lòt rê nàng gàr niam ờdo ờdă ai kòn bơnus mờ rơndeh rơndồ in lòt rê; ai pờ tô ri yal tơngkah lài tơrlah ù tàm ală tiah làng bol ơm kis geh pơhìn uă, ngan là ù tiah thôn 12, xã Hoà Lễ, kơnhòal Krông Bông, là tiah geh uă hìu bơnhă geh hìu đam lơh tơn tềng hơđơm jơng bơnơm jơnhoa, geh ù kơh ngan.

Cau mblàng Lơ Mu K’Yến