VOV4.K’ho -  Jat mpồl  đơng lam atbồ broa\ rcang sơndra\ trồ tiah lơh aniai mờ jòi cau gơbàn  rềs àr càr Daklak, mìu dờng sùm tàm 3 ngai do neh lơh git nđờ rbô hìu làng bol tàm càr gơbàn dà kơryan. Ua\ hìu bơsram tàm tiah dà tih neh pal ai kơnòm bơsram ơm ing bơsram nàng gàr  niam tus mờ kơnòm bơsram. Ea Kar, Krông Bông, Krông Pach mờ Ea Sup la 4 kơnhoàl gơbàn gơ ngơr bam dà kơnjơ\ ngan, mờ di 500 hìu gơbàn  gơbam tàm dà jrô bơh  1 tus 2 thơk. Tàm kơnhoàl Krông Bông tàm drim òr (4/11), 20 na\ kơnòm bơsram Hìu bơsram kai I Sơn Phong, ntum Hoà Phong, kơnhoàl Krông Bông neh gơbàn kòl tàm dà tih,  pal ơm ing tàm hìu làng bol jat gùng lòt, neh geh mpồl dong kờl kơnhoàl dê jun rê hờ hìu ờ do ờ da\ niam. Tàm kơnhoàl Ea Kar tus mho òr neh geh 6 ntum gơbàn gơ koh gơl,  tàm hơ\ geh 8 mpồl làng bol gơbàn gơ ngơr dà mờ rlau 3 rbô lồ phan tam gơbàn  gơ bam jrô tàm dà.

Mho òr, tàm kơnhoàl Kon Plong, càr Kontum geh 1 nă cau gơtìp dà tih cò pơr dô roh thit. Cau gơtìp dà cò pơr dô roh thit là bi Trần Đình Hiền, 42 sơnam ơm tàm bòn 1, ntum Tân Lập, kơnhoàl Kon Braih. Bi Hiền gơtìp dà cò pơr dô tu\ 1 jiơ mho òr tu\ re dà croh Nước Co, di bòn Kon Du, ntum Măng Cành, kơnhoàl Kon Plong. Geh git, lài hơ\ bi Hiền bal mờ 6 nă cau ndai là Thiết, Phụng, Minh, Dũng, Đông, Trà lòt bal nàng jòi nha sơnơm tàm ntum Măng Cành mờ gam rê hờ ntum Ngọc Tem. Tu\ tus dà croh Nước Co, bi Hiền re dà croh den gơtìp dà cò pơr dô. Ală cau gam wơl rơ ngòt ngan rê yal cau tờm bi Hiền in. Tu\ do gơnoar atbồ bòn lơgar mờ anih lơh broă geh gơnoar gam lơh ngan jòi cau gơtìp dà cò pơr dô.

Tàm  Gia Lai, mìu dờng  jo\ jòng bal mờ broa\ hìu ma\y pờ tơlik ồs đèng An Khê-Kang Nak neh yuh dà  kờ` gàr niam tơnau dà tàm bơta   gơbàn nisơna neh lơh aniai dờng ngan tus làng bol kis jat gah dà  dờng Ia Pa tàm [òn  drà An Khê mờ kơnhoàl Kbang. Mpờl go\ ngan,   tàm  kơnhoàl Kbang neh geh 1 na\ cau chơt bơh mìu  dờng tih dà,  gơlik geh tàm tơnau dà C, ntum Đak Rong (Hìu ma\y pờ tơlik ồs đèng Vĩnh Sơn-Sông Hinh). Cau chơt la ồng Đinh Công deh nam 1950,  ơm kis tàm [òn Kon Von 1,  ntum Đak Rong, Kbang. Lài hơ\,  tàm ngai 2/11, ồng Đinh Công bal mờ pơ ùr la Đinh Thị Yôm gam ơm tàm hìu tàm tơnau dà tàm tơnau C. Tàm tu\ gam siam iar, ơda, ồng Đinh Công go\ plung mờ chi gam lời kềng gah tơnau neh gơ hồ ce kơt mờ gơ pơrdô tus tàm gùl tơnau. Ồng Công neh re nàng  dui\ wơl plung tus hờ gah mờ neh gơbàn bu\ dà. Bulah gơnoar atbồ [òn lơgar mờ làng bol lơh ngan jòi, tài bơh mìu dờng, càl pràn, khà dà tàm do jrô mờ tơnau den ơnàng den tàm broa\ jòi bồt ờ hềt go\.

Tài mìu sơr jo\ jòng bal mờ dà ko\ dà cò, mhual bơryuh, biap Dà Làc tàm tơngai lài gơtìp aniai uă lơh gơbàn bơta biap ờ tơl nàng tac, khà priă biap gơguh uă, bơh 30 tus 50%, kuơ màng, ală bơta biap xà lách bè ờs tac tàm suơn geh khà priă 30 rbô tàm 1 ki\, tu\ do là 50 geh tu\ geh bơta 90 rbô tàm 1 ki\. Uă tiah tam biap tàm Dà Làc, Đức Trọng, Đơn Dương pal blơi biap bơh tiah ndai. Pơn drờm mờ biap Dà Làc, biap blơi bơh tiah ndai geh khà priă ndrờm 1/3, ring niam. Tu\ blơi geh kơldung, mat sơnđan loh làng.

               Cau cih mờ yal tơnggit K’ Duẩn  mờ K' Brọp