VOV4.K’ho - Drim òr (16/6), tàm dơ\ tus còp mờ lơh broă tàm lơgar Czech, mò Đặng Thị Ngọc Thịnh, kuang jăt jơng atbồ lơgar neh cri bơyai mờ ồng Vojtech Filip, kuang atbồ Đảng Cộng sản lơgar Czech - Morava mờ kung là kuang jăt jơng atbồ gơnoar ala măt [òn lơgar dà lơgar Czech tàm hìu lơh broă Đảng; wă ồng Marcel Winter, kuang atbồ mpồl g^t gơ\p lơgar Czech mờ lơgar Việt Nam.

             Mò Đặng Thị Ngọc Thịnh chờ gờm cồng nha pơrjum dờng Đảng Cộng sản lơgar Czech pa do bal mờ kuang bàng đơng lam pa geh pồ Đảng dê; kơ\p kờ` Đảng Cộng sản lơgar Czech – Morava sơlơ ngai sơlơ tơnguh gơnoar tàm lơgar mờ tàm châu Âu. Bàr gah neh đơs niam broă lơh bal bơh 2 Đảng tơnguh bơtàu niam bơne\, pơgồp bal tàm broă chồl pràn broă lơh bal bơh 2 lơgar dê. Bàr gah ring bal pơn jăt tai chồl pràn broă lơh bal bơh lơgar Việt Nam mờ lơgar Czech tàm gah lơh sa, bơto bơtê – bơto broă lơh, lơh broă, tam pà bal broă mờng chài sền gàr broă lơh tàm ală tiah…; tơnguh bơtàu broă lơh bal bơh 2 Đảng Cộng sản bơh tàm ală broă tam gơl mpồl kuang bàng, cri bơyai bal broă mờng chài bè broă cri bơyai, bơ\t bơtàu Đảng mờ lơh broă bal mờ lơgar ndai tàm rài pa, chồl pràn broă tam gơl jơnau tơng^t bơh [ăo Halo Noviny Đảng Cộng sản lơgar Czech mờ {ăo Nhân dân Đảng Cộng sản lơgar Việt Nam dê.

Cau cih mờ yal tơng^t Ndong Brawl