VOV4.K’ho - Mho òr (1/6), tàm Hìu lơh broa\ kuang atbồ lơgar, mò Đặng Thị Ngọc Thịnh kuang jat jơng atbồ lơgar neh wa\ rềp mềr ồng Lê Văn Hiến kuang atbồ càr Nam Australia mờ ồng Jay Weatherill kuang atbồ anih duh broa\ càr do gam còp mờ lơh broa\ tàm lơgar he.

            Mò Đặng Thị Ngọc Thịnh đơs tờm: Việt Nam sùm sền kuơ bơta git gơp mờ Australia, kơp kờ` bơta git gơp geh bơtàu tơngguh pràn  rlau tàm ala\ gah broa\ lơh  bơh Gơnoar atbồ lơgar, Dà lơgar, Gơnoar ala mat dà lơgar mờ tam tìp làng bol. Mò Đặng Thị Ngọc Thịnh geh jơnau sồr gơnoar atbồ càr Nam Australia pơnjat tai geh pơnjờng ala\ mpồl lơh sa ka\ bro, mpồl lơh sa dờng gam lơh broa\ bal tam klac ka\ bro tàm Việt Nam mờ lơh geh  bơta buơn boài tus mpồl lơh sa ka\ bro Việt Nam, ngan la tàm gah lơh sa suơn sre geh ka\ bro tàm lơgar Australia. Mò Đặng Thị Ngọc Thịnh geh đơs bơta kơp kờ` kuang atbồ càr, mờ  at gơnoar broa\ he dê, geh pơnjat tai sùm lơh mờ chul chồl git gơp  niam bơne\ rlau tai tu\ do geh bơh 2 lơgar mờ la bơrkuat tơrbo\ cau Việt Nam tàm Australia mờ  dà lơgar tờm.

                        Cau cih mờ yal tơnggit K’ Brọp