VOV4.K’ho – Drim òr 11/9, mò Đặng Thị Ngọc Thịnh, Kuang jat jơng atbồ lơgar bal mờ mpồl lơh broă neh lòt còp mờ pà phan kơnòm bơsram geh rài kis kal ke càr Quảng Trị. Mò Đặng Thị Ngọc Thịnh pà 100 bơnah priă dong kờl bơsram pà ală kơnòm bơsram gơtìp sơnơm khih điôxin lơh aniai, tơl bơnah geh 1 tơlak 200 rbô priă mờ 100 bơnah phan pà ală kơnòm bơsram rơbah tiah dà lềng, oh kòn hìu nhă geh sră dong kờl bơh dà lơgar, tơl bơnah geh 1 tơlak priă. Bơdìh mờ priă dong kờl bơsram, tơl nă oh gam geh dờp 1 bơnah phan pà sa tềp Trung thu, kờp priă 500 rbô. Mò Đặng Thị Ngọc Thịnh kung lùp còp, pơn jờng ală kơnòm bơsram lơh ngan sơr lèt gan kal ke, brồ guh tàm broă bơsram sră.

                Cau cih mờ yal tơnggit K’ Duẩn.