VOV4.K’ho – Ngai òr, 11/11, tàm gơlang kuang atbồ lơgar, mò Đặng Thị Ngọc Thịnh, Kuang jat jơng atbồ lơgar tìp mat mpồl ala mat cau pơgru geh pơn rơ gam lơh broă tàm ală kơnhoàl mờ ntum bồt geh uă tă pơgồp tus mờ broă lơh bơto bơtê mờ bơsram, di tu\ tus còp càr lơgar Hà Nội mờ tus bal broă lơh jờng rơ cau pơgru geh pơn rơ nam 2016. Tàm dơ\ wă, ală cau pơgru neh tam pà bơta pơn ìơ să kung bè ală kal ke, bòl glar tàm broă lơh bơto bơsram tàm tiah bồt dà lềng; mơkung ràng tơlik nùs nhơm lơh ngan ơm tàm bồt, lơh broă tàm hìu bơsram, bơto sră ală kơnòm bơsram tiah bồt in. Ală cau pơgru kơp kờ` Đảng mờ dà lơgar pơnjat tai sền gròi tus broă bơto bơsram tàm tiah sar lơgar ngài, tiah nhàr dà lơgar, bồt dà lềng bơh dà lơgar dê. Mò Đặng Thị Ngọc Thịnh pin dờn mờ kơp kờ` ală cau pơgru pơnjat tai kờ` broă lơh, lơh broă tàm hìu bơsram bulah tàm khat dùl kal ke lơi; pơnjat tai bơto niam, bơsram jak nàng pơgồp bơnah tơnguh git wă làng bol in, tàm hơ\ geh tiah bồt dà lềng.

                     Cau cih mờ yal tơnggit K’ Duẩn