VOV4.K’ho – Mho òr 29/7, tàm gơlang kuang atbồ lơgar, mò Đặng Thị Ngọc Thịnh, Kuang jat jơng atbồ lơgar neh rềp mềl wă 38 nă cau ala mat geh pơn rơ jak, ala mat tus mờ 763 nă cau geh bơngă pin dờn tàm làng bol kòn cau tàm càr Kontum, di tu\ mpồl tus còp càr lơgar Hà Nội. Mò Đặng Thị Ngọc Thịnh cih dờp, đơs niam bơngă bơh ală cau kra [òn, cau atbồ [òn, cau geh bơngă pin dờn tàm tơngai lài. Mò Đặng Thị Ngọc Thịnh đơs loh, Đảng mờ Dà lơgar sùm sền gròi chồl pràn mut lơh ală gùng dà, broă lơh kuơ màng tus mờ broă lơh bơto bơsram, lơh sơnơm, tiah kis… kờ` hời rơhời bơtàu tơnguh rài kis làng bol kòn cau in. Kontum là càr gam uă kal ke, khà làng bol kòn cau di hìu nhă rơbah gam uă, mò Đặng Thị Ngọc Thịnh kơp kờ` ală cau kra [òn, cau atbồ [òn, cau geh bơngă pin dờn pơnjat tai brồ guh bơngă lam lài tàm srơh pơrlòng lơh broă sa, bơt bơtàu [òn lơgar pa, hời rơhời bơtàu tơnguh rài kis phan bơna mờ nùs nhơm; pơnjat tai mblàng yal mờ sền gàr kơ\ bơta tam klac, dong kờl bal mờ gơp tàm rài kis pah ngai; bơtàu tơnguh bơngă là rơbàng tơrbo\ đah làng bol kòn cau mờ gơnoar atbồ ală kơnă, lam sồr làng bol kòn cau mut lơh niam ală gùng dà, broă lơh bơh Đảng, kơrnuat boh lam bơh Dà lơgar dê.

            Cau cih mờ yal tơnggit K’ Duẩn.