VOV4.K’ho – Drim òr, 19/4, tàm gơlang kuang atbồ lơgar, mò Đặng Thị Ngọc Thịnh kuang jat jơng atbồ lơgar wă mpồl ala mat “ Kes priă dong kờl bơsram Vừ A Dính mờ mpồl “ Tài Hoàng Sa, Trường Sa kờ` gơboh”. Tàm dơ\ wă, mò Đặng Thị Ngọc Thịnh jờng rơ mờ đơs niam ală cồng nha lơh broă bơh “ Kes priă dong kờl bơsram Vừ A Dính mờ mpồl “ Tài Hoàng Sa, Trường Sa kờ` gơboh” dê; mơkung đơs tờm, ală broă lơh mờ kes priă bal mờ mpồl lơh geh geh kuơ ngan ngồn, lơh gơs bơta gơ rề dờng ngan tus mờ mpồl bơtìan. Bơh broă lơh kes priă dê, uă rơnàng kơ nòm bơsram, cau bơsram dờng rơbah tiah sar lơgar, tiah làng bol kòn cau geh tai bơta nàng bơsong kal ke, brồ guh tàm broă bơsram sră, bơt bơtàu rơnàng tơ nơ\ do. Mò Đặng Thị Ngọc Thịnh đơs loh, Đảng, dà lơgar sùm sền dờng màng nùs nhơm lơh broă dong kờl is, tài mpồl bơtìan bơh ală cau geh nùs nhơm niam dê tàm gah do. Mò kung pin dờn “ Kes priă dong kờl bơsram Vừ A Dính” mờ mpồl “ Tài Hoàng Sa, Trường Sa kờ` gơboh” geh uă broă lơh ngan ngồn, geh cồng nha rlau tàm tơngai tus.

                                 Cau cih mờ yal tơngit K’ Duẩn.