VOV4.K’ho- Mho ngai 10/9, tàm dơ\ lòt lơh broă tàm càr Gia Lai, mò Đặng Thị Ngọc Thịnh Phó Chủ tịch lơgar bal mờ mpồl lơh broă dà lơgar dê neh lòt còp, lơh broă mờ Huyện ủy, Ủy ban Nhân dân kơnhoàl Đăk Đoa.

Mò Đặng Thị Ngọc Thịnh Phó Chủ tịch lơgar pà phan mờ priă dong kờl bơsram ai kơnòm bơsram kơnhoàl Đăk Đoa, càr Gia Lai in

Kơnhoàl Đăk Đoa tu\ do geh rlau 125 rbô nă làng bol, tàm hơ\ geh 56% là làng bol jơi bơtiàn kòn cau. Broă lơh sa- mpồl bơtiàn tàm kơnhoàl gam tam gơl niam ngan, rài kis làng bol ngai sơlơ geh bơtàu tơnguh bal mờ priă lơh geh kờp bal dùl nă cau geh rlau 43 tơlak đong tàm dùl nam, geh 7 tàm 16 xã lơh geh tơl khà [òn lơgar pa.

Đơs tàm dơ\ lơh broă, mò Đặng Thị Ngọc Thịnh Phó Chủ tịch lơgar đơs sùm broă kơnhoàl neh bơ\t bơtàu geh cồng nha broă lơh lơh broă sa sươn sre pơgồp bal mờ lơh sa, lơh gơlik phan mờ kă bro phan bơna tiêu jăt gùng dà hữu cơ, bơh hơ\ tơnguh priă jền, tơnguh priă lơh geh ai làng bol lơh broă sa in. Tàm broă lơh kis gi\t jơnau gi\t adat, kơnhoàl neh sền gròi ngan tus broă tơn jơh r[ah ai ală hìu bơnhă chính sách, hìu bơnhă làng bol jơi bơtiàn kòn cau in.

Cau mblàng Lơ Mu K’Yến