VOV4.K’ho- Pơn jăt tai dơ\ lòt lơh broă tàm càr Quảng Nam, mho ngai 9/3, mò Đặng Thị Ngọc Thịnh Phó Chủ tịch lơgar neh lòt còp, pà phan công nhân in tàm Tiah lơh sa mờ măy mok Điện Nam- Điện Ngọc mờ Pôs đồng ling sền gàr tiah nhàr lơgar Cửa Đại gơ wèt Mpồl ling sền gàr tiah nhàr lơgar càr Quảng Nam.

Mò Đặng Thị Ngọc Thịnh Phó Chủ tịch lơgar pà phan hìu bơnhă chính sách mờ hìu bơnhă r[ah in

Phó Chủ tịch lơgar mò Đặng Thị Ngọc Thịnh đơs nền, Mpồl ling sền gàr tiah nhàr lơgar là mpồl cau lam lài tàm broă lơh rơcăng sơndră kòp Covid-19, kơ\p kờ` kuang bàng, cau ling tàm Pôs đồng ling sền gàr tiah nhàr lơgar Cửa Đại pơn jăt tai  đòm jăt nùs nhơm bồ tơngoh bi Cau ling Wa Hồ, sền gàr kơ\ kơl jăp gơnoar tờm ù tiah lơngăp lơngai tiah nhàr lơgar dà lềng bồt bơlào.

Phó Chủ tịch lơgar mò Đặng Thị Ngọc Thịnh kung lòt còp, pà 100 bơnah phan ai công nhân cau lơh broă in mờ 50 bơnah phan pà kòn bơh cau công nhân geh rài kis kal ke dê in tàm Tiah lơh sa mờ măy mok Điện Nam- Điện Ngọc, thị xã Điện Bàn. Mò Đặng Thị Ngọc Thịnh kơ\p kờ` kuang bàng đơng lam bồ càr Quảng Nam, Mpồl ătbồ Tiah lơh sa mờ măy mok, ală kấp công đòan sùm lòt còp sền gròi mờ dong kờl rài kis ai cau công nhân mờ cau lơh broă in.

Cau mblàng Lơ Mu K’Yến