VOV4.K’ho- Ngai 8/9, tus mờ đơng lam tàm Pơrjum dờng tàm pơrlòng kờ` gơboh dà lơgar càr Lạng Sơn dơ\ 5, mò Đặng Thị Ngọc Thịnh Phó Chủ tịch lơgar đơs niam ngan ală cồng nha mờ Đảng bộ, gơnoar ătbồ mờ làng bol càr Lạng Sơn dê neh lơh geh tàm tơngai lài.

                Mò Đặng Thị Ngọc Thịnh Phó Chủ tịch lơgar đơs tàm Pơrjum dờng

Phó Chủ tịch lơgar sồr càr Lạng Sơn pơn jăt tai kơlôi sơnơng mờ lam lơh jăt geh cồng nha ală gùng dà, jơnau sồr Đảng dê, kơrnoat boh lam Dà lơgar dê gơ jăt bal mờ kơnòl bơh ală kấp ủy đảng dê; pơn jăt tai lơh pràn lam lơh jrô ơnàng làm uă ală srơh tàm pơrlòng kờ` gơboh dà lơgar; tơrgùm tơnguh uă cồng nha ătbồ dà lơgar.

Di tàm dơ\ do, 16 nă cau mờ 16 mpồl cau pơnrơ tàm Srơh tàm pơrlòng kờ` gơboh dà lơgar càr Lạng Sơn dê geh pà Gai lòng Lơh broă khà 2 mờ khà 3 bơh Chủ tịch lơgar dê; Sră jờng rơ, Bồng bi tàm pơrlòng bơh Thủ tướng Chính phủ dê. Kung tàm dơ\ pơrjum dờng do sơl, mò Đặng Thị Ngọc Thịnh neh pà Broă lơh lơngăp lơngai rài kis mpồl bơtiàn càr Lạng Sơn in 600 tơlak đong.

Cau mblàng Lơ Mu K’Yến