VOV4.K’ho – Drim òr 26/12, tàm Hìu duh broă Kuang atbồ lơgar dê, mò Đặng Thị Ngọc Thịnh, Pho\ Kuang atbồ lơgar wa\ rò mpồl cau ala mat kuàng bàng, cau lơh broă bal khà kờp làng bol- deh dùh di kơrhia tàm hìu bơnhă pơnrơ jak gùt lơgar, di dơ\ tơngkah 55 nam ngai bơhiàn gah Khà kờp làng bol mờ deh dùh di kơrhia tàm hìu bơnhă (26/12/1961- 26/12/2016). Mò Đặng Thị Ngọc Thịnh sồr, ală kuang bàng, cau lơh broă bal khà kờp làng bol- deh dùh di kơrhia tàm hìu bơnhă pơn jat tai gàr kơ\ gơnoar broă dong broă ai ală anih lơh broă đơng lam Đảng, gơnoar atbồ ală kơnă in sền gròi đơng lam broă lơh khà kờp làng bol, geh uă broă lơh dùl ròt bal nàng tơnguh jơnhoa bơta niam khà kờp làng bol. Jat mò Đặng Thị Ngọc Thịnh, broă lơh mblàng yal pal geh tơnguh uă rlau tai, kờn lơh tam gơl pa tơngume, broă lơh nàng tơnguh jơnhoa jơnau gi\t wa\ bơh tơl nă làng bol dê nàng gah lơh broă khà kờp làng bol lơh geh uă cồng nha niam rlau tai tàm tu\ tơngai bơtàu tơnguh pa bơh dà lơgar dê.

Cau cih mờ yal tơngi\t- Lơ Mu K’ Yến