VOV4.K’ho - Drim òr (17/4), tàm gơlang kuang atbồ lơgar, ồng Nguyễn Tấn Dũng, kuang gơs…neh đơng lam dơ\ wă mò Erna Solberg, kuang gơs gơnăp gơnoar atbồ hờ đang rơlao jơh dà lơgar lơgar Na Uy tus còp mùl màl lơgar he. 2 nă kuang gơs…neh cri bơyai, tam gơl bal uă ală gùng dà broă lơh dờng mờ ring bal uă broă lơh mùl màl kờ` chồl pràn broă lơh g^t gơ\p, lơh bơyô bal mờ lơh broă bal bơh lơgar Việt Nam mờ lơgar Na Uy tàm uă gah, tàm hơ\ uă ngan là lơh sa, kă bro, bơcri priă, bơta chài rơgơi, bơto bơtê mờ bơsram kung bè tơnguh broă pơgồp bal mờ dong kờl bal tàm ală dơ\ cri bơyai tàm tiah do mờ dunia. 2 nă kuang gơs gơnăp gơnoar atbồ hờ đang rơlao jơh dà lơgar đơs là, 2 lơgar gam geh uă bơta pràn mờ bơta kuơ gơtìp bơtơl bal kờ` pờ ơnàng broă lơh bal geh cồng nha mờ geh kuơ bal; lam sồr mờ ai tơl bơta niam, bơta [uơn ală anih lơh sa kă bro mờ anih bơcri priă bơh 2 lơgar tơnguh broă tìp bal, jòi kờ` g^t anih kă bro, pơgồp bal lơh sa, kuơ màng ngan tàm ală gah geh ai lài bè lơh sa dà lềng, phan tàm dà, năng lượng, công nghệ thông tin, tơnguh lơh sa tơlir niam…

Mho òr (17/4), tàm hìu lơh broă Gơnoar ala măt dà lơgar, ồng Nguyễn Sinh Hùng, kuang atbồ Gơnoar ala măt dà lơgar kung neh wă mò Erna Solberg, kuang gơs gơnăp gơnoar atbồ hờ đang rơlao jơh dà lơgar lơgar Na Uy. Ồng Nguyễn Sinh Hùng neh pơn jờng mò Erna Solberg tus còp mùl màl lơgar Việt Nam, mờ pin dờn dơ\ tus còp bơh mò dê bal mờ ală cồng nha cri bơyai mờ ồng Nguyễn Tấn Dũng geh pơgồp bal chồl pràn tơnguh bơtàu pràn bè broă lơh bal bơh 2 lơgar tàm ală gah lơh broă.

Cau mblàng Ndong Brawl