VOV4.K’ho - Anih duh broă làng bol càr Lâm Đồng pa pơgồp bal mờ Kes priă dong kờl kơnòm dềt Việt Nam bơyai lơh jàu priă bơsram “Bal mờ oh lòt bơsram” nam 2015 ai kơnòm dềt geh rài kis kal ke, bơsram jăk tàm càr Lâm Đồng in. Kờ` pơn jờng ală kơnòm bơsram neh geh cồng nha jăk tàm nam bơsram 2014-2015 mờ lam sồr ală kơnòm bơsram pơn jăt tai lơh ngan geh cồng nha niam rơlao tàm nam bơsram 2015-2016, mò Nguyễn Thị Doan, kuang jăt jơng atbồ lơgar bal mờ kuang bàng đơng lam Kes priă dong kờl kơnòm dềt Việt Nam, kuang bàng đơng lam càr Lâm Đồng bal mờ ală anih lơh sa kă bro dong kờl neh jàu 120 khà priă bơsram ai 120 nă kơnòm bơsram bơh 7 tus 16 sơnam tàm 8 kơnhoàl: Đơn Dương, Di Linh, Dam Rông, Lạc Dương, Bảo Lâm, Dà Huoai, Dà Teh, Cát Tiên mờ kờp jơh khà priă 240 tơlăk priă, tơl nă kơnòm bơsram geh dờp 2 tơlăk priă.

Cau mblàng Ndong Brawl