VOV4.K’ho – Ngai òr, 28/8, càr Lâm Đồng bơyai lơh Pơrjum pơr lòng kờ` gơboh dà lơgar dơ\ 5. Mò Nguyễn Thị Doan kuang jat jơng atbồ lơgar, mò Trương Thị Mai kuang atbồ Anih duh broă ală bơta mpồl bơtiàn bơh Gơnoar ala mat dà lơgar dê bal mờ rlau 450 nă cau ala mat là cau pơr lòng, cau geh pơn rơ jak tàm gùt càr tus bal. Đơs tàm dơ\ pơrjum, mò Nguyễn Thị Doan jờng rơ nùs nhơm pơr lòng kờ` gơboh dà lơgar mờ cồng nha lơh geh bơh Mpồl Đảng, gơnoar atbồ mờ làng bol càr Lâm Đồng dê tàm ală nam do, ngan là tàm broă lơh sa suơn sre mut ngui công nghệ pa mờ broă lơh bơt bơtàu [òn lơgar pa, pơgồp bơnah ai Lâm Đồng sơr lèt gan kal ke, gơs là càr geh pơn rơ tàm Tây Nguyên mờ gùt lơgar. Mơya, mò Nguyễn Thị Doan sồr tàm tơngai tus, Lâm Đồng pal sền gròi bơt bơtàu srơh pơr lòng cèng bơta tam gơl pa, geh bơta kuơ màng tàm tơl gah broă lơh. Kuơ màng, pal pơgồp pơr lòng gơ jat bal mờ pà khà jờng nàng lơh geh bơta pơn jờng niam cau lơh broă in, chồl pràn broă mblàng yal mờ rề ơnàng cau geh pơn rơ jak tàm ală rơnàng làng bol.

                                                                                                                        Cau mblàng K' Duẩn.