VOV4.K’ho – Mho òr, 29/9, tàm gơlang kuang atbồ lơgar, mò Nguyễn Thị Doan kuang jat jơng atbồ lơgar wă mpồl ala mat mpồl dong kờl bơsram Việt Nam, kơnòm bơsram, cau bơsram dờng jak, geh pơnrơ gùt lơgar. Tàm dơ\ wă, mò Nguyễn Thị Doan jờng rơ ală cồng nha bơh Mpồl dong kờl bơsram Việt Nam dê tàm 19 nam do, mờ uă broă lơh bè bơt bơtàu srơh mpồl bơtiàn bơsram sră, hìu nhă bơsram jak, jơi nòi bơsram sră, bơt bơtàu ală anih tờm bơto bơtê mpồl bơtiàn, ròt ală mpồl mut lơh dong kờl bơsram, lơh gơs bơta pràn bơh gùt mpồl bơtiàn dê sền gròi tus mờ broă lơh bơto bơsram bal mờ gơnoar atbồ. Mò Nguyễn Thị Doan sồr, tơngai tus, bơdìh mờ ală cồng nha mpồl neh lơh geh, geh bơta ờ tơl đah git wă bơh jơnau kờ` mpồl bơtiàn mờ bơsram dră, cau bơsram dờng jơh bơsram ờ hềt geh khà tơl jat jơnau kờ`, mpồl pal dong Gah bơto bơtê mờ bơsram dà lơgar, mờ ală hìu bơsram bơ tơl ală khà ờ hềt geh nàng bơtàu tơnguh mpồl cau lơh broă tus mờ broă lơh bơtàu tơnguh mờ mut gơ rờm bal dà lơgar dê. Mò Nguyễn Thị Doan đơs tờm: “ A` sồr ală oh mi dong kờl kuang đơng lam bồ Đảng, dà lơgar, bal mờ ală kơnă gơnoar atbồ, gùt mpồl bơtiàn nàng tơmù bơta tam cah ngài. Bol he geh uă bơta lòng den tàng kơp kờ` ală oh mi lơh ngan rlau tai di tu\ git go\ ală cau geh rài kis kal ke, cau niam broă niam tàm broă bơsram sră, tàm mpồl bơtiàn, ală cau lơh broă dong kờl bơsram niam. Bơta gơrềng đah pơgồp bal mpồl dong kờl bơsram mờ gơnoar atbồ tàm ală kơnhoàl, ală ntum pal ngan ngồn rlau tai.”

                                                                Cau cih mờ yal tơngit K’ Duẩn.