VOV4.K’ho – Bal mờ rlau 97% khà sră ring bal, mò Nguyễn Thị Kim Ngân kuang atbồ Gơnoar ala mat dà lơgar kơnă XIII pơn jat tai geh pồ at gơnoar broă Kuang atbồ Gơnoar ala mat dà lơgar kơnă XIV. Do là cồng nha geh yal tàm drim ngai òr 22/7 tàm pơrjum dơ\ dùl, Gơnoar ala mat dà lơgar kơnă XIV. Kung jat cồng nha kờp sră pồ geh yal, ală ồng: Phùng Quốc Hiển, Uông Chu Lưu, Đỗ Bá Tỵ, mờ mò Tòng Thị Phóng ndrờm neh geh pồ at gơnoar broă Kuang jat jơng atbồ Gơnoar ala mat dà lơgar kơnă XIV bal mờ khà sră pồ jơnhoa ngan. Gơnoar ala mat dà lơgar kung neh pồ 13 nă cau at gơnoar broă Kuang geh jơng tàm Anih duh broă sùm Gơnoar ala mat dà lơgar kơnă XIV.

Tơnơ\ Dơ\ bơyai lơh yal bơr guh at gơnoar broă, mò Nguyễn Thị Kim Ngân kuang atbồ Gơnoar ala mat dà lơgar neh geh jơnau cih đơs, đơs tờm: mờ bơta chờ hờp bal mờ kơnòl dờng ngan tềng đap làng bol, cau te\ khà gùt lơgar, tàm gơnoar broă là cau lam bồ anih lơh broă geh gơnoar Dà lơgar jơnhoa ngan rlau jơh, anih lơh broă ala mat jơnhoa ngan rlau jơh bơh làng bol dê, Kuang atbồ Gơnoar ala mat dà lơgar geh bal mờ mpồl kuang bàng tàm Anih duh broă sùm Gơnoar ala mat dà lơgar bal mờ jơh ală kuang bàng lơh jat niam bơhiàn 70 nam pơnrơ ngan bơh Gơnoar ala mat dà lơgar Việt Nam dê, mu\t lơh geh cồng nha ală gơnoar broă lơh sơnua boh lam, lơh adat boh lam, lơh nền ală bơta kuơmàng bơh dà lơgar dê mờ sền gròi jơnhoa ngan rlau jơh gơ wèt tus mờ jơh ală broă lơh bơh Dà lơgar dê jat di jơnau cih bơh Sơnua boh lam mờ kơrnoat boh lam dê.

Cau cih mờ yal tơngi\t- Lơ Mu K’ Yến